टोकियो: करोनाच्या थैमानामुळे जगभरातील लोकांवर परिणाम झाला. लाखो लोकांना प्राण गमवावे लागले. तर, कोट्यवधींना आपला रोजगार गमवावा लागला. अनेकांना तणाव, एकटेपणाच्या आजाराचा सामना करावा लागला आहे. करोना महासाथीच्या कालावधीत जपानमध्ये आत्महत्यांच्या प्रमाणात मोठ्या प्रमाणात वाढ झाली. आत्महत्येच्या वाढत्या घटना लक्षात घेता जपान सरकारने एक महत्त्वपूर्ण पाऊल उचलले आहे. एकाकीपणावर मात करण्यासाठी सरकारने एक स्वतंत्र मंत्रालय तयार केले आहे. जपान टाइम्सने दिलेल्या वृत्तानुसार, करोना महासाथीच्या काळात, वर्ष २०२०मध्ये जपानमध्ये एकाकीपणामुळे मोठ्या प्रमाणात आत्महत्या झाल्याची नोंद करण्यात आली. जवळपास ११ वर्षानंतर आत्महत्येच्या प्रकरणांची एवढ्या मोठ्या प्रमाणावर नोंद करण्यात आली. त्यानंतर आता जपान सरकारने एक वेगळे मंत्रालय बनविण्याचा निर्णय घेतला आहे. या मंत्रालयाच्या माध्यमातून लोकांच्या एकाकीपणावर मात करण्याचा प्रयत्न होणार आहे. असे या खात्याचे नाव आहे. हे खातं पंतप्रधान योशिहिदे सुगा यांच्या अखत्यारीत असणार असल्याचे म्हटले जाते. वाचा: जपानमध्ये देशातील घसरत्या जन्मदरांला नियंत्रित करणे आणि अर्थव्यवस्थेचे पुनरुज्जीवन करण्याचे आव्हान आहे. 'सीएनएन'च्या वृत्तानुसार, जपान सरकारने करोना साथीच्या वेळी आत्महत्येच्या घटनांमध्ये वाढ झाल्यानंतर त्याबाबतचे एक स्वतंत्र कार्यालय सुरू केले होते. वाचा: जपानमध्ये आत्महत्या करणाऱ्यांचे प्रमाण अधिक आहे. वर्ष २०१६ मध्ये आत्महत्यांमुळे मृत्यू होणाऱ्यांची संख्या दर एक लाख नागरिकांमागे १८.५ इतकी होती. दक्षिण कोरियानंतर हा दर अधिक होता. तर, जागतिक पातळीवर आत्महत्या करणाऱ्यांचे प्रमाण दर एक लाख नागरिकांमागे १०.६ इतके होते. वर्ष २०१९ मध्ये जपानमध्ये २० हजार जणांनी आत्महत्या केली होती. तर, २०१९ ऑक्टोबर महिन्याच्या तुलनेत ऑक्टोबर २०२० या महिन्यात महिलांच्या आत्महत्या दरात ८३ टक्के वाढ झाली. तर, पुरुषांमध्ये आत्महत्या करणाऱ्यांच्या प्रमाणात २२ टक्के वाढ झाली होती. करोना महासाथीमुळे महिलांवर अधिक परिणाम झाला असण्याची शक्यता वर्तवण्यात येत होती.
