म. टा. विशेष प्रतिनिधी, मुंबई अभिनेत्री व तिची बहीण या दोघींनीही ट्विटर व अन्य सोशल मीडियांवर विशिष्ट समुदायाविरोधात जाणीवपूर्वक तेढ निर्माण करणारी विधाने केल्याच्या आरोप प्रकरणात आतापर्यंत काय चौकशी केली, याविषयीचा अहवाल ४ मार्चपर्यंत देण्याचे निर्देश अंधेरी न्याय दंडाधिकारी न्यायालयाने शुक्रवारी अंधेरीमधील अंबोली पोलिसांना दिले. वाचा: वकील अॅड. अली काशिफ खान देशमुख यांनी याप्रकरणी न्यायालयात तक्रार दाखल केल्यानंतर न्यायालयाने पोलिसांना चौकशी अहवाल दाखल करण्याचे निर्देश दिले होते. मात्र पोलिसांनी त्याकरता आतापर्यंत दोन वेळा एकेक महिन्याची मुदतवाढ घेतली होती. शुक्रवारी पोलिसांनी पुन्हा एकदा मुदतवाढ मागितली. मात्र, अली यांनी त्याला तीव्र विरोध दर्शवला. तसेच आरोपींविरोधात थेट कायदेशीर कार्यवाहीविषयीची प्रक्रिया जारी करावी, अशी विनंती केली. त्यामुळे न्यायालयाने पोलिसांना आतापर्यंत केलेल्या चौकशीचा अहवाल सादर करा, असे निर्देश पोलिसांना देऊन पुढील सुनावणी ४ मार्चला ठेवली आहे. वाचा:
