मुंबई: ‘जोधा अकबर’ या ऐतिहासिक चित्रपटात हृतिकनं साकारलेली अकबर ही भूमिका प्रेक्षक अद्याप विसरलेले नाहीत. हा चित्रपटही सुपरहीट ठरला होता. त्यानंतर हृतिक पुन्हा एका एका ऐतिहासिक चित्रपटात काम करणार आहे. निर्माता याच्या रामायणावर आधारित असलेल्या बिग बजेट चित्रपटात हृतिकची वर्णी लागली असून या चित्रपटात तो प्रभू रामचंद्रांची भूमिका साकारणार असल्याचं म्हटलं जात होतं. तर त्याच्यासोबत सीतेची भूमिका दीपिका पदुकोण करण्याची शक्यता सुद्धा वर्तवण्यात येत होती. सुरुवातीला प्रभू रामचंद्रांच्या भूमिकेत हृतिक दिसणार असल्याचं म्हटलं जात होतं. मात्र आता तो राम नाही तर लंकापती रावणाची भूमिका साकारणार असल्याचं समजतं. याआधी महाभारतावर आधारित ‘द्रौपदी’ चित्रपटासाठी हृतिकचं नाव चर्चेत होतं मात्र या दरम्यानच मधू मंटेना यांनी त्याच्या मेगा बजेट चित्रपटाची घोषणा केली. पण सूत्रांच्या माहितीनुसार यात हृतिक राम नाही तर रावणाच्या खलनायकी भूमिकेत दिसणार आहे. याशिवाय निर्माता आणि दिग्दर्शक ओम राऊतने त्याचा ३डी चित्रपट ‘’ची घोषणा केली आहे. ज्यात साऊथ सुपरस्टार प्रभास श्रीरामाच्या मुख्य भूमिकेत दिसणार आहे. तर सैफ अली खान खलनायक रावण साकारणार आहे. तर कृती सेनन सीतेच्या भूमिकेत दिसणार आहे. सध्या एकाच विषयावर आधारित असणाऱ्या दोन्ही चित्रपटांची चर्चा आहे. पण यातही जर हृतिकनं रावणाची खलनायकी भूमिका साकारली तर सैफ आणि हृतिक पैकी कोण उत्तम भूमिका साकरतो याकडे प्रेक्षकांचं लक्ष लागलं आहे. सध्या हृतिक त्याच्या आगामी चित्रपटाच्या तयारीत बिझी आहे. मागच्या वर्षी रिलीज झालेल्या त्याच्या ‘वॉर’ चित्रपटानं बॉक्स ऑफिसवर तुफान कमाई केली होती.
