म. टा. विशेष प्रतिनिधी, मुंबई मुंबईत रुग्णांचा आकडा वाढत असताना आता धारावीतही करोनाने पुन्हा शिरकाव केला आहे. फेब्रुवारीच्या तुलनेत मार्चमध्ये तब्बल ६२ टक्क्यांची रुग्णवाढ झाल्याचे समोर आले आहे. मात्र यातील ७० टक्क्यांहून अधिक रुग्णांमध्ये लक्षणे आढळलेली नाहीत. मुंबईत गेल्या वर्षी करोनाने शिरकाव केल्यानंतर वरळीपाठोपाठ करोनाचा हॉटस्पॉट ठरला होता. १ एप्रिल, २०२० रोजी धारावीत पहिला रुग्ण आढळला. त्यानंतर रुग्णांची संख्या वाढत गेली, मात्र पालिकेने संसर्ग रोखण्यासाठी वापरलेला '' यशस्वी ठरल्याने जुलै-ऑगस्टनंतर धारावीत रुग्णसंख्या घटत गेली. त्यानंतर दोन अंकी असलेली रोजची रुग्णसंख्या एकवर आली. मुंबईत फेब्रुवारीच्या मध्यानंतर आटोक्यात आलेला करोना पुन्हा वाढू लागला आहे. काही दिवसांपासून धारावीतही करोनाने डोके वर काढले आहे. वाचा: यंदाच्या ८ मार्चला १८ रुग्ण, १६ मार्चला २१ तर १८ मार्चला ३० तर २१ रोजी २८ रुग्ण सापडले आहेत. मार्चपर्यंत एकाच महिन्यात धारावीत २७२ बाधित रुग्ण आढळले आहेत. फेब्रुवारीत धारावीत केवळ १६८ रुग्ण आढळले होते. दरम्यान, रुग्ण वाढत असले तरी धारावीत रुग्णवाढ रोखण्यासाठी दररोज १ हजार जणांचे लसीकरण आणि आवश्यक त्या प्रमाणात चाचण्या करण्यात येत असल्याचे सहायक आयुक्त किरण दिघावकर यांनी सांगितले. या ठिकाणच्या ७० टक्यांहून जास्त रुग्णांमध्ये लक्षणे नसून, स्थिती पूर्ण नियंत्रणात असल्याचेही दिघावकर म्हणाले.
