लंडन: करोना साथरोगाच्या काळात अनेक क्षेत्रात ‘वर्क फ्रॉम होम’ची संस्कृती रुजलेली आहे. आता तर थेट ‘नासा’ने मंगळवार पाठविलेल्या यानाचे नियंत्रण करणाऱ्या गटापैकी एक जण ‘वन बीएचके’मधून ‘नासा’च्या ‘पर्सिव्हिअरन्स’चे नियंत्रण करीत आहे. अनेक संकेतस्थळांनी आणि ब्रिटनमधील माध्यमांनी याबाबतचे वृत्त दिले आहे. अमेरिकन अंतराळ संस्थेच्या मंगळ मोहिमेतील पर्सिव्हिअरन्स रोव्हर मंगळाच्या पृष्ठभागावर उतरले आहे. यानाच्या मदतीने मंगळावर जीवसृष्टी अस्तित्वात होती की नाही या संदर्भात संसोधन करण्यात येत आहे. या वैज्ञानिकांमध्ये भारतीय वंशाच्या संजीव गुप्ता यांचा समावेश आहे. ‘पर्सिव्हिअरन्स रोव्हर’ मोहिमेचा भाग असणारे गुप्ता सध्या मंगळावर असणाऱ्या ‘रोव्हर’च्या समूहामध्ये काम करतात. ‘गुप्ता’ हे काम ‘नासा’च्या मुख्यालयात बसून करीत नसून, आपल्या घरात बसून त्यांचे या यानावर लक्ष आहे. गुप्ता यांनी दक्षिण लंडनमध्ये एक वन बीएचके फ्लॅट भाड्याने घेतला आहे. या ‘फ्लॅट’मधूनच पर्सिव्हिअरन्स रोव्हरला नियंत्रित करतात. करोनामुळे लागू करण्यात आलेल्या प्रवासबंदीमुळे गुप्ता अशा पद्धतीने ‘वर्क फ्रॉम होम’ करीत आहे. ‘नासा’च्या कोणत्याही मोहिमेचे नियंत्रण ‘वर्क फ्रॉम होम’ करीत असण्याची कदाचित ही पहिलीच वेळ असल्याचे तज्ज्ञांचे म्हणणे आहे. वाचा: वाचा: ‘पर्सिव्हिअरन्स रोव्हर मंगळाच्या पृष्ठभागावर उतरले तेव्हा गुप्ता यांना कॅलिफॉर्नियामधील ‘नासा’च्या जेट प्रोपल्शन लॅबमध्ये उपस्थित असावे, असे वाटत होते. मात्र, त्यांना तसे करता आली नाही याचे दु:ख वाटते. प्राध्यापक गुप्ता यांनी ऑक्सफर्ड विद्यापीठाशी संलग्न असणाऱ्या ‘सेंट क्रॉस कॉलेज’मधून पीएचडी केली आहे. त्यांनी आपल्या कुटुंबीयांना आपल्या कामाचा त्रास होऊ नये म्हणून एक वेगळा वन बीएचके भाड्याने घेतला आहे. दक्षिण लंडनमधील एका लहानश्या इमारतीत छोट्याश्या घरातून गुप्त सध्या काम करतात. वाचा: गुप्ता एकटेच नाहीत संजीव गुप्ता यांनी सध्या आपण या घरामधून ‘पर्सिव्हिअरन्स रोव्हर’च्या नियंत्रणाबाबत काम करीत असल्याचे सांगितले; तसेच या पर्सिव्हिअरन्स रोव्हर मोहिमेशी संबंधित ४०० हून अधिक तंत्रज्ञ घरून काम करीत असल्याची माहिती गुप्ता यांनी दिली.
