मुंबई : मागील पाच सत्रांपासून सुरु असलेल्या शेअर बाजारातील घसरणीला अखेर आज ब्रेक लागला. एफएमसीजी, मेटल व फार्मा निर्देशांकांनी शुक्रवारी बाजारातील तेजीचे नेतृत्व केले. शुक्रवारी बाजार बंद होताना निफ्टी १८६.१५ अंकांनी वधारला व १४,७०० पातळीच्या पुढे जात १४,७४४ अंकांवर स्थिरावला. तर एसअँडपी बीएसई सेन्सेक्सने ६४१.७२ अंकांनी वधारला व तो ४९,८५८.२४ अंकांवर स्थिरावला. शुक्रवारी जवळपास १४६१ शेअर्सनी नफा कमावला, १४१८ शेअर्स घसरले तर २०० शेअर्स स्थिर राहिले.या तेजीने गुंतवणूकदारांची मालमत्ता किमान दोन लाख कोटींनी वाढली. आज बाजारात वित्त संस्था, औषध निर्माण उद्योग, आयटी सेवा, तेल आणि वायू क्षेत्रात गुंतवणूकदारांनी खरेदी सुरु ठेवली. काल सत्रात एचयूएल ४.५१ टक्के, एनपीटीसी ४.२४ टक्के, जेएसडब्ल्यू स्टील ३.९६ टक्के, यूपीएल ३.९४ टक्के आणि टाटा स्टील ३.७९ टक्के हे निफ्टीतील गेनर्स ठरले. याउलट, टेक महिंद्रा १.२५ टक्के, एलअँडटी १.०१ टक्के, बजाज ऑटो ०.५१ टक्के , कोल इंडिया ०.४७ टक्के व टायटन कंपनी ०.३५ टक्के हे निफ्टीतील टॉप लूझर्स ठरले. क्षेत्रीय आघाडीवर सर्व निर्देशांक तेजीत स्थिरावले. निफ्टी एनर्जी ३ टक्के वधारला. बीएसई मिडकॅप व बीएसई स्मॉलकॅप अनुक्रमे १.३५ टक्के आणि ०.४१ टक्क्यांनी वधारला. इक्रा लिमिटेड: इक्राचे शेअर्स २० टक्क्यांनी वाढले आणि ३३४४.२५ रुपयांवर शेअर बंद झाले. ब्लॉक डील्सद्वारे पीपीएफएएस अॅसेट मॅनेजमेंटने रेटिंग एजन्सीमध्ये २ टक्क्यापेक्षा जास्त स्टेक घेतले. भारत डायनॅमिक्स लि.: भारत डायनॅमिक्सने नुकतेच सुरक्षा मंत्रालयासोबत ११८८८ कोटी रुपयांच्या ४९६० अँटी टँक मिसाइल्सचा करार केला. तो रिपीट ऑर्डरनुसार करारबद्ध झाला. त्यानंतर फर्मचे स्टॉक्स १.१३ टक्क्यांनी वाढले व त्यांनी ३४५.८५ रुपयांवर बंद झाला. अदानी एंटरप्राइजेस लि.: आयपीओमार्फत ५००० कोटी रुपयांचा फंड उभारण्याचे आयोजन करत आहे. याद्वारे कंपनी अदानी ग्रुपअंतर्गत सातवी लिस्टेड फर्म बनेल. फर्मच्या स्टॉकमध्ये १.६६ टक्क्यांनी वाढ झाली व तिने ८८५.५० रुपायांवर बंद झाला. आरती ड्रग्स लि.: आरती ड्रग्सच्या स्टॉ्क्समध्ये ९.०३ टक्क्यांनी वाढ झाली व त्यांनी ७४५.०० रुपयांवर बंद झाला. कंपनीने ६००००० पर्यंत फुल पेड अप इक्विटी शेअर्स खरेदी करण्याचे मान्य केले. कंपनीचे फेस व्हॅल्यू १० रुपये आहे. कंपनीच्या इक्विटी शेअर्सच्या एकूण संख्येच्या ०.६४ टक्केचे प्रतिनिधीत्व याद्वारे केले जाईल. रुपया: देशांतर्गत इक्विटी बाजारात खरेदी दिसून आल्याने अमेरिकी डॉलरच्या तुलनेत भारतीय रुपयाने काहीशी घसरण घेतली. ७२.५८ रुपये एवढ्या घसरणीसह खुला झालेल्या रुपयाचे मूल्य ७२.५१ वर स्थिरावले. जागतिक बाजारात कमकुवत संकेत: जगभरात करोनाचे रुग्ण वाढण्याच्या चिंतेने जागतिक बाजार घसरले. नॅसडॅक मागील सायंकाळी ३.०२ टक्क्यांनी घसरला. तर एफटीएसई १००० चे शेअर्स ०.६३ टक्के, एफटीएसई एमआयबीचे शेअर्स ०.२६ टक्क्यांनी घसरले. निक्केई २२५ चे शेअर्स १.४१ टक्के व हँगसेंगचे शेअर्स १.४१ टक्क्यांनी घटले.
