मुंबई- भारतात झालेल्या अनलॉक नंतर त्याचे गंभीर परिणाम दिसू लागले आहेत. सामान्य नागरिकांमध्ये करोना रुग्नांची संख्या वाढताना दिसतेय. त्याचप्रमाणे बॉलिवूडमध्येही त्याचं लोण वाढताना दिसतंय. नुकतंच अभिनेता आणि दिग्दर्शक, निर्माते संजय लीला भन्साळी यांना करोना संक्रमण झाल्याची बातमी आली होती. आता बॉलिवूडचा प्रसिद्ध अभिनेता मनोज बाजपेयीला देखील करोना झाल्याचं कळतंय. मनोजची करोना चाचणी पॉसिटीव्ह आल्याने त्यांना करोना झाल्याचं निष्पन्न झालं आहे. त्यांनी स्वतःला घरात क्वारंटाईन करून घेतलं आहे. मनोज त्याच्या आगामी चित्रपटाचं चित्रीकरण करत होता. त्यादरम्यान त्याला करोना झाला. रिपोर्ट पॉसिटीव्ह आल्याने चित्रपटाचं चित्रीकरण थांबण्यात आलं आहे. मनोजच्या टीम मधील एका व्यक्तीच्या माहितीनुसार, चित्रपटाच्या दिग्दर्शकाला करोनाची लागण झाल्याने त्याने त्याची चाचणी करून घेतली. तेव्हा ती पॉसिटीव्ह आली. चित्रपटाचे चित्रीकरण काही महिने पुढे ढकलण्यात आलं आहे. सध्या मनोजची तब्येत ठीक असून त्याने स्वतःच्या घरात विलगीकरणात राहण्याचा निर्णय घेतला आणि तो योग्य ती खबरदारी घेत आहे. मनोज लवकरच 'फॅमिली मॅन २' मध्ये दिसणार आहे. ही सीरिज प्राईम व्हिडिओवर प्रदर्शित होणार आहे. या वेबसीरिजच चित्रीकरण पूर्ण करण्यात आलं आहे. मनोज सध्या त्याच्या आगामी चित्रपट 'डिस्पॅच' च चित्रीकरण करत होता जी ओटीटी प्लॅटफॉर्मवर प्रदर्शित होणार आहे. यापूर्वी संजय लीला भन्साळीदेखील करोना पॉसिटीव्ह आले आहेत. त्यामुळे त्यांच्या 'गंगुबाई काठियावाडी' आणि 'ब्रम्हास्त्र' या दोन्ही चित्रपटांचं चित्रीकरण थांबवण्यात आलं आहे. तर , अभिनेत्री नीतू सिंह यांनी रणबीरच्या करोना पॉसिटीव्ह असण्याची बातमी सोशल मीडियावर दिली होती.
