नवी दिल्ली : आज जगभरात 'महिला दिन' साजरा करण्यात येतोय. याच निमित्तानं भारताचे आणि यांनीही देशातील महिलांना 'आंतरराष्ट्रीय महिला दिनाच्या' शुभेच्छा दिल्या आहेत. 'आंतरराष्ट्रीय महिला दिनानिमित्त सर्व देशवासियांना माझ्या हार्दिक अभिनंदन आणि शुभेच्छा. आपल्या देशाच्या महिला अनेक क्षेत्रांत यशाच्या नवनवे विक्रम प्रस्थापन करत आहेत. आजच्या या दिवशी आपण सर्व महिला आणि पुरुषांतील असमानता पूर्णत: समाप्त करण्याचा सामूहिक संकल्प घेऊ', असं ट्विट राष्ट्रपती रामनाथ कोविंद यांनी केलंय. पंतप्रधान नरेंद्र मोदी यांनीही नारीशक्तीला सलाम करत महिला दिनाच्या शुभेच्छा व्यक्त केल्या आहेत. सोशल मीडियावर पंतप्रधानांनी महिला सशक्तीकरणा संदर्भात ट्विट केलं. 'आंतरराष्ट्रीय महिला दिनाला आपल्या अदम्य नारीशक्तीला सलाम! भारताला आपल्या देशातील महिलांच्या अनेक यशस्वीतेचा अभिमान आहे. अनेक क्षेत्रांत महिला सशक्तीकरणाला पुढे नेण्याचं काम करण्याची संधी मिळणं आमच्या सरकारसाठी अभिमानाचा गोष्ट आहे' असं ट्विट पंतप्रधान नरेंद्र मोदींनी केलंय. 'आंतरराष्ट्रीय महिला दिना'च्या जन्माची गोष्ट! १९०८ मध्ये एका महिला मजूर आंदोलनाच्या निमित्तानं जगभर महिला दिन साजरा करण्यास प्रारंभ झाला. याच दिवशी १५ हजार महिलांनी कामाचे तास कमी करणं, योग्य वेतन आणि इतर काही अधिकारांची मागणीसंबंधात न्यूयॉर्क शहरात आंदोलन केलं होतं. एका वर्षानंतर 'सोशलिस्ट पार्टी ऑफ अमेरिका'नं हा दिवस पहिला राष्ट्रीय महिला दिवस म्हणून घोषित केला. १९१० मध्ये कोपेनहेगनमध्ये 'वर्किंग विमेन'चं एक आंतरराष्ट्रीय संमेलन भरलं होतं. यावेळी, हाच दिवस 'आंतरराष्ट्रीय महिला दिवस' म्हणून साजरा करण्याचा प्रस्ताव मांडला गेला. जगभरातील सर्वच देशांकडून 'आंतरराष्ट्रीय महिला दिवस' म्हणून मान्य केला आणि लोकप्रियही झाला. संयुक्त राष्ट्राकडून हा दिवस '' म्हणून साजरा करण्याची मान्यता १९७५ मध्ये मिळाली.
