नवी दिल्ली : एकीकडे करोना लसीकरण मोहिमेच्या आणि लस तुटवड्याच्या राज्य आणि केंद्राच्या वक्तव्यांत तफावत आढळत असताना दुसरीकडे करोना संकट आणखीनच चिंताजनक परिस्थितीत पोहचल्याचं दिसून येतंय. आरोग्य मंत्रालयानं मंगळवारी सकाळी दिलेल्या आकडेवारीनुसार, भारतात सोमवारच्या २४ तासांत १ लाख २६ हजार ७८९ करोनाबाधित रुग्णांची भर पडली तर ६८५ रुग्णांच्या मृत्यूची नोंद करण्यात आलीय. देशात सध्या ९ लाख १० हजार ३१९ रुग्णांवर उपचार सुरू आहेत. अधिक वाचा : भारतात आज तिसऱ्यांदा करोनाबाधित रुग्णांची संख्या एक लाखांच्यावर पोहचल्याचं दिसून येतंय. आठवड्याच्या कालावधीत तीन वेळा एका दिवसात आढळलेल्या रुग्णांचा आकडा एक लाखांच्या वर गेल्यानं आरोग्य प्रशासनही हतबल होताना दिसतंय. आरोग्य मंत्रालयाच्या माहितीनुसार, करोनाविरोधी लसीकरण मोहिमेत भारतानं अमेरिकेलाही मागे टाकलंय. तसंच सर्वाधिक जलद गतीनं लसीकरण राबवण्यात भारत क्रमांक एक वर पोहचलाय. भारतात दररोज जवळपास ३० लाख करोना लसीचे डोस दिले जात आहेत. एकूण करोना संक्रमित रुग्णांची संख्या : १ कोटी २९ लाख २८ हजार ५७४ एकूण बरे झालेली रुग्णसंख्या : १ कोटी १८ लाख ५१ हजार ३१९ उपचार सुरू : ९ लाख १० हजार ३१९ एकूण मृत्यू : १ लाख ६६ हजार ८६२ लसीकरण करण्यात आलेल्या नागरिकांची संख्या : ९ कोटी ०१ लाख ९८ हजार ६७३ गेल्या काही दिवसांत संक्रमित रुग्णांची संख्या १ एप्रिल : ८१ हजार ३९८ २ एप्रिल : ८९ हजार ०२३ ३ एप्रिल : ९२ हजार ९९४ ४ एप्रिल : १ लाख ०३ हजार ४९४ ५ एप्रिल : ९६ हजार ५६३ ६ एप्रिल : १ लाख १५ हजार ३१२ ७ एप्रिल : १ लाख २६ हजार ७८९ गेल्या काही दिवसांतील मृतांची संख्या १ एप्रिल : ४६८ २ एप्रिल : ७१३ ३ एप्रिल : ५१४ ४ एप्रिल : ४७७ ५ एप्रिल : ४४६ ६ एप्रिल : ६३० ७ एप्रिल : ६८५
