तेल अवीव: आणि पॅलेस्टाइनमधील सशस्त्र गट हमासमधील संघर्ष आणखी चिघळण्याची शक्यता असून युद्धाचे ढग जमू लागले आहेत. इस्रायलने गाझा पट्टीच्या सीमेवर मोठ्या प्रमाणावर सैन्य तैनात केले असून चहुबाजूने हल्ला करण्याची तयारी सुरू केली आहे. इस्रायली सैन्याने रणगाडे तैनात केले असून पॅलेस्टाइनी भागावर गोळीबार सुरू आहे. तर, लढाऊ विमानांमधून हवाई हल्ले सुरू आहेत. इस्रायलमधील माध्यमांनी दिलेल्या वृत्तानुसार इस्रायली लष्कराने जमिनीवरूनही हल्ला सुरू केला आहे. हमासकडून होत असलेल्या हल्ल्याच्या विरोधात इस्रायलने नऊ हजार राखीव जवानांना सेवेत रुजू होण्याचे आदेश दिले आहेत. इस्रायली अधिकाऱ्यांनी सीमा भागात राहणाऱ्या नागरिकांना आपल्या बंकरमध्ये जाण्याची सूचना केली आहे. इस्रायलच्या कारवाईविरोधात हमासकडून रॉकेट हल्ला होण्याची शक्यता अधिकाऱ्यांनी व्यक्त केली. इस्रायलच्या फौजा पॅलेस्टाइनच्या भागात घुसण्याची शक्यता असून त्यामुळे दोन्ही देशांमध्ये संपूर्ण युद्ध सुरू होण्याची शक्यता वर्तवली जात आहे. वाचा: इस्रायलकडून होत असलेल्या कारवाईला हमासकडून रॉकेट हल्ला करण्यात येत आहे. इस्रायली सैन्याकडून सीमेवर असलेल्या रणगाड्यांमधून सातत्याने हल्ले सुरू आहेत. हमासच्या लष्करी विभागाचे सैन्य प्रवक्ते अबू ओबेइदा यांनी सांगितले की, आम्ही इस्रायलकडून होणाऱ्या जमिनी हल्ल्यांना घाबरत नाही. आमच्याकडे इस्रायली सैनिकांनी जिवंत अथवा मृत पकडण्याची संधी असणार असल्याचे त्यांनी सांगितले. लेबनॉनमधूनही इस्रायलच्या दिशेने रॉकेट डागण्यात आल्याचा दावा करण्यात आला आहे. मात्र, हे रॉकेट भूमध्य सागरात कोसळले. वाचा: इस्रायलमध्ये ज्यू आणि अरबी समुदायात दंगल दरम्यान, इस्रायलमधील काही शहरांमध्ये ज्यू आणि मूळ अरबी समुदायामध्ये दंगली सुरू असल्याचे वृत्त आहे. दोन्ही समुदायांकडून एकमेकांवर हल्ले सुरू आहेत. काही ठिकाणी वाहनांना आगी लावण्यात आल्या आहेत. हिंसाचारामुळे इस्रायलमधील प्रमुख विमानतळावरून होणारी उड्डाणेही रद्द करण्यात आली आहे.
