अहमदनगर: राज्यात आज पेट्रोलच्या दराने शंभरी पूर्ण केली आहे. राष्टवादीचे आमदार यांनी या दरवाढीवर सातत्याने भाष्य केले. पाच राज्यांतील निवणुका संपताच दरवाढ होईल, असे भाकितही त्यांनी केले. आज पेट्रोलच्या दराने शंभरी पार केल्यावर पवार यांनी सोशल मीडियात पोस्ट करून एक सवाल केला आहे. त्यावर नेटकऱ्यांनीही भन्नाट उत्तरे दिली आहेत. (Comments On Tweet) रोहित पवार यांनी म्हटले आहे, ‘क्रिकेटमध्ये शतक झालं की आपण टाळ्या वाजवून खेळाडूचं अभिनंदन करतो. एखाद्याने वयाची शंभरी पूर्ण केल्यावरही अभिनंदन करतो. आता पेट्रोलच्या दरानेही शंभरी ओलांडली. या दरवाढीचं करायचं काय? कमेंटमध्ये तुम्हीच सांगा!’ पवार यांच्या या प्रश्नाला नेटकऱ्यांनी विविध उत्तरे दिली आहेत. त्यातील अनेकांनी दरवाढीला राज्य सरकारचे करही जबाबदार असल्याकडे लक्ष वेधून हे कर कमी करण्यासाठी सरकारकडे पाठपुरावा करण्याचा उपाय सुचविला आहे. राज्य सरकारने इंधनावर लावलेला कर कमी करण्यासाठी राष्ट्रवादी काँग्रेसचे अध्यक्ष शरद पवार यांना मुख्यममंत्र्यांना पत्र लिहायला सांगा. राज्य सरकारने अधिभार कमी करून केंद्राला प्रत्युत्तर देता येऊ शकते. यामुळे लोकांमध्ये योग्य संदेश जाईल की, राज्य सरकार लोकांच्या हितासाठी राबत आहे. एक दिवस निश्चित करून जनतेला आवाहन करा, आपणही टाळ्या-थाळ्या वाजवून पेट्रोलची शंभरी साजरी करुयात. राज्य सरकारने पुढाकार घेऊन १० रुपये कर कमी करून केंद्रावर २० रुपये कमी करण्यासाठी दबाव आणावा. शतक केलेल्या खेळाडूला आऊट करायला नवीन बॉलर रिंगणात उतरवला पाहिजे. केंद्र आणि राज्य सरकारने मिळून काही उपाय योजना कराव्या आणि जनतेला दिलासा द्यावा. पेट्रळ शंभर काय हजार रुपये झाले तरी चालेल पण हिंदुत्वासाठी मोदींनाच मत देऊ. आठ वर्षांच्या तुलनेत झालेली ही वाढ विशेष नाही. सर्वांत जास्त कर राज्य सरकारचा आहे, तो कमी करून दिलासा द्या, अशा विविध प्रतिक्रिया नेटकऱ्यांनी व्यक्त केल्या आहेत. अनेकांनी केंद्रासोबतच राज्य सरकारलाही यासाठी जबाबदार धरले आहे. आणखी वाचा:
