नवी दिल्ली : आरोग्य मंत्रालयानं दिलेल्या माहितीनुसार, देशात मंगळवारी (४ मे २०२१) रोजी एकूण ३ लाख ८२ हजार ३१५ करोनाबाधित रुग्ण आढळले आहेत तर याच २४ तासांत ३७८० जणांना आपले प्राण गमवावे लागले आहेत. याच दिवशी तब्बल ३ लाख ३८ हजार ४३९ रुग्णांना रुग्णालयातून डिस्चार्ज देण्यात आला. याचसोबत, देशातील एकूण करोनाबाधित रुग्णांची संख्या २ कोटी ०६ लाख ६५ हजार १४९ वर पोहचलीय. तर आतापर्यंत देशात एकूण २ लाख २६ हजार १८८ नागरिकांनी करोनामुळे आपले प्राण गमावले आहेत. मात्र, देशात आत्तापर्यंत १ कोटी ६९ लाख ५१ हजार ७३१ रुग्ण करोनावर मात करण्यात यशस्वी ठरलेत. देशात सध्या ३४ लाख ८७ हजार २२९ रुग्णांवर उपचार सुरू आहेत.
- एकूण करोना संक्रमित रुग्णांची संख्या : २ कोटी ०६ लाख ६५ हजार १४९
- एकूण बरे झालेली रुग्णसंख्या : १ कोटी ६९ लाख ५१ हजार ७३१
- उपचार सुरू : ३४ लाख ८७ हजार २२९
- एकूण मृत्यू : २ लाख २६ हजार १८८
- करोना लसीचे डोस दिले गेले : १६ कोटी ०४ लाख ९४ हजार १८८
