नवी दिल्ली : देशात सुरू असलेल्या लसीकरण मोहिमेदरम्यान अनेक राज्यांना लस मिळवण्यासाठी अनेक अडचणींना तोंड द्यावं लागतंय. लसीच्या अपुऱ्या उत्पादनामुळे आणि पुरवठ्यामुळे हे संकट देशासमोर उभं आहे. याच दरम्यान, आणि या दोन कंपन्यांनी आपल्या पुढल्या चार महिन्यांची उत्पादन योजना केंद्राला सोपवली आहे. अधिक वाचा : बुधवारी अधिकृत सूत्रांनी दिलेल्या माहितीनुसार, ऑगस्ट महिन्यापर्यंत 'सीरम इन्स्टिट्यूटन'नं प्रत्येक महिन्याला १० कोटी तर 'भारत बायोटेक'नं ७.८ कोटी लसीचे डोस बनवण्यासाठी वाढवण्याचा निर्णय घेतलाय. आणि भारताच्या औषध महानियंत्रक कार्यालयानं दोन्ही कंपन्यांकडून जून, जुलै, ऑगस्ट आणि सप्टेंबर महिन्यासाठी त्यांची उत्पादन योजना मागितली होती. त्यावर दोन्ही कंपन्यांनी हे आश्वासन दिलंय. हैदराबाद स्थित 'भारत बायोटेक' स्वदेशी विकसीत 'कोव्हॅक्सिन' लसीचं तर 'ऑक्सफर्ड - एस्ट्रेजेनेका' विकसित 'कोव्हिशिल्ड' लसीचं उत्पादन पुणे स्थित सीरम इन्स्टिट्यूट ऑफ इंडिया करत आहे. करोना विरुद्ध लढण्यासाठी या दोन लसी भारतात सध्या वापरल्या जात आहेत. 'भारत बायोटेक'चे संचालक डॉ. व्ही कृष्ण मोहन यांनी कोव्हॅक्सिनचं उत्पादन जुलैमध्ये ३.३२ कोटी तर ऑगस्टपर्यंत ७.८२ कोटीपर्यंत वाढवणार असल्याची माहिती दिलीय. हे उत्पादन सप्टेंबरमध्येही कायम राहील. तर सीरम इन्स्टिट्यूटचे शासकीय व नियामक कामांचे संचालक प्रकाश कुमार सिंह यांनी दिलेल्या माहितीनुसार, ऑगस्टपर्यंत कोव्हिशिल्डचं उत्पादन १० कोटी डोसपर्यंत वाढवण्यात येईल. सप्टेंबरमध्येही हे उत्पादन कायम राहील. दरम्यान महाराष्ट्र, दिल्ली, कर्नाटक आणि तेलंगणसहीत अनेक राज्य आणि केंद्रशासित प्रदेशांनी करोना लसीच्या खरेदीसाठी आंतरराष्ट्रीय पर्याय निवडण्याचा निर्णय घेतलाय. देशात मागणीपेक्षा लसीचा पुरवठा कमी पडत असल्यानं या राज्यांनी आंतरराष्ट्रीय पर्यायांचा विचार सुरू केला आहे.
