सातारा: पुणे - महामार्गावर घाटात एका अज्ञात महिलेचा अर्धवट जळालेल्या अवस्थेतील मृतदेह आढळून आल्याने खळबळ उडाली आहे. या महिलेचा खून करून तिला जाळण्याचा प्रयत्न करण्यात आला व नंतर मृतदेह घाटात टाकला असल्याचे प्रथमदर्शनी दिसत असून या घटनेचा पोलीस तपास करीत आहेत. ( ) वाचा: खंबाटकी घाटाच्या पहिल्या वळणावर एक मृतदेह असल्याची माहिती खंडाळा पोलिसांना मिळाली होती. त्यानुसार पोलीस घटनास्थळी दाखल झाले असता घाटाच्या या वळणावर डाव्या बाजूच्या नाल्यात मृतदेह टाकल्याचे दिसून आले. पाहणी केल्यानंतर पायातील पैंजण व जोडवी यावरून साधारणपणे २० ते २५ वर्षे वयाच्या महिलेचा हा मृतदेह असल्याचे स्पष्ट होत असून पुढील तपास सुरू करण्यात आला आहे. वाचा: रात्रीच्या वेळेस हा मृतदेह घाटात टाकला गेल्याची शक्यता आहे. दुपारी तीन वाजेच्या सुमारास खंडाळा पोलिसांना वाटसरूंद्वारे माहिती मिळाल्यानंतर पोलीस निरीक्षक महेश इंगळे, उपनिरिक्षक स्वाती पवार व पोलीस पथक घटनास्थळी पोहचले. या परिसराची व मृतदेहाची प्राथमिक पाहणी करून त्यांनी तपास सुरू केला आहे. खंबाटकी घाटात यापूर्वीही अनेकदा अशा घटना घडल्या आहेत. प्रामुख्याने पुणे, मुंबई येथील काही व्यावसायिक, ठेकेदार यांचे मृतदेह यापूर्वी आढळले आहेत. खंबाटकी घाटातील दाट झाडीचा व निर्जन जागेचा वापर अशा गुन्हेगारी कृत्यांसाठी होत असतो. त्यामुळे पोलिसांना नेहमी सतर्क रहावे लागते. या घटनांपैकी अनेक घटनांचा शोध घेण्यात पोलिसांना यश आले आहे. खंडाळा तालुक्यात हद्दीत दोनच दिवसांपूर्वी कालव्यात एक मृतदेह आढळला होता. तपासात तो खून असल्याचे स्पष्ट झाल्यानंतर लगेचच खंबाटकी घाटात दुसरी घटना उघडकीस आल्याने खळबळ उडाली आहे. घटनेचा अधिक तपास पोलीस निरीक्षक करीत आहेत. वाचा:
