कोपनहेगन: युरो कपमधील फिनलंडविरुद्धच्या लढतीदरम्यान अचानक मैदानात कोसळलेला डेन्मार्कचा मिडफिल्डर याची प्रकृती स्थिर असून, त्याने आपल्या संघ सहकाऱ्यांचे आभार व्यक्त केले आहेत. फिनलंडविरुद्धच्या लढतीदरम्यान एरिकसन पूर्वार्धाच्या अखेरीस मैदानातच कोसळला होता. तो मैदानात कोसळल्यानंतर संघ सहकाऱ्यांनी तत्काळ मदतीसाठी वैद्यकीय अधिकाऱ्यांना बोलाविले होते. वाचा- एरिकसनची शुद्ध हरपली होती. त्याला तातडीने हॉस्पिटलमध्ये नेण्यात आले होते. त्यानंतर तो शुद्धीवरही आला होता. डेन्मार्क महासंघाने ट्विटमध्ये म्हटले आहे, की आज सकाळी आम्ही एरिकसनशी बोललो. त्याने आपल्या संघ सहकाऱ्यांचे आभारही व्यक्त केले आहे. त्याची प्रकृती स्थिर असून, त्याला हॉस्पिटलमध्येच डॉक्टरांच्या निरिक्षणाखाली ठेवण्यात येणार आहे. फिनलंडचा डेन्मार्कला धक्का जोएल पोहयांपालोने हेडरद्वारे (५९ मि.) नोंदविलेल्या एकमेव गोलच्या जोरावर फिनलंडने फुटबॉल स्पर्धेत डेन्मार्कला १-० असा धक्का दिला. डेन्मार्कचा ख्रिस्तियन एरिकसन मैदानात कोसळल्यावर सामना थांबविण्यात आला होता. मात्र, लढत सुरू झाल्यानंतर डेन्मार्कला आणखी एक धक्का बसला. प्रथमच या स्पर्धेत खेळत असलेल्या फिनलंडने आपल्या विजयाचे खाते उघडले. वाचा- पाहा काय झाले होते फिनलंडविरुद्धच्या सामन्यात पहिला हाफ संपन्याआधी एरिकसन मैदानावर कोसळताना पाहून दोन्ही संघातील खेळाडू आणि मैदानावरील रेफरी एथनी टेलर यांनी सामना थांबवला. त्याला तातडीने वैद्यकीय सुविधा दिली गेली. एरिक्सला मैदानावरच सीपीआर दिला गेला आणि उपचार करण्यात आले. या दरम्यान, गोपनीयता राखण्यासाठी खेळाडू त्याच्या भोवती वर्तुळ करून उभे होते. त्यानंतर एरिक्सला स्ट्रेचरवरून बाहेर नेण्यात आले. या घटनेनंतर सामना तातडीने स्थगित करण्यात आला आणि काही वेळाने पुन्हा सुरू करण्यात आला.
