मुंबई : सोने आणि चांदीमधील घसरणीला आज शुक्रवारी ब्रेक लागला आहे. आज शुक्रवारी मल्टी कमॉडिटी बाजारात सोन्याचा भाव ८० रुपयांनी वाढला आहे. चांदीमध्ये ४०० रुपयांची वाढ झाली आहे. सध्या मल्टी कमॉडिटी एक्सचेंजमध्ये सोन्याचा भाव ४९२८१ रुपये झाला आहे. त्यात ८३ रुपयांची वाढ झाली. एक किलो ७२४११ रुपये झाला आहे. त्यात ४१२ रुपयांची वाढ झाली आहे. या आधी गुरुवारच्या सत्रात सोन्यामध्ये २५० रुपयांची घसरण झाली आहोत. तर चांदीमध्ये ११० रुपयांची घसरण झाली होती. Goodreturns या वेबसाईटनुसार आज शुक्रवारी मुंबईत २२ कॅरेट सोन्याचा भाव ४७८९० रुपये आहे. मुंबईत २४ कॅरेटचा भाव ४८८९० रुपये झाला आहे. दिल्लीत आजचा २२ कॅरेट सोन्याचा भाव ४७९६० रुपये झाला आहे. २४ कॅरेटसाठी सोन्याचा भाव ५२३१० रुपये झाला आहे. आज चेन्नईत २२ कॅरेटसाठी ४६४०० रुपये तर २४ कॅरेट सोन्याचा भाव ५०६२० रुपये आहे. कोलकात्यात आज २२ कॅरेट सोन्याचा भाव ४८२१० रुपये असून २४ कॅरेट सोन्याचा भाव ५०९१० रुपये आहे. जागतिक कमॉडिटी बाजारात सोन्याचा भाव १९०० डॉलरवर गेला आहे. इंडियन बुलियन अँड ज्वेलर्स असोसिएशननुसार गुरुवारी सोन्याचा भाव ४८७५० रुपये आणि चांदीचा भाव ७१२२४ रुपये होता.
