मेरठ : एका लॉटरीच्या माध्यमातून उत्तर प्रदेशच्या मेरठमध्ये राहणाऱ्या लहानग्या ईशानीला जीवदान मिळालंय. '' ग्रस्त असलेल्या ईशाला ''च्या लॉटरीमध्ये नाव आल्यानं २२ कोटींचं इंजेक्शन मोफत उपलब्ध झालंय. अवघ्या १४ महिन्यांची असताना ईशानीची वाढ योग्य होत नसल्याचं तिच्या आई-वडिलांच्या लक्षात आलं. तपासणीत तिच्या मांसपेशी कमजोर असल्याचं आढळून आलं. तसंच ईशानीला अत्यंत दुर्मिळ असा 'स्पायनल मस्क्युलर एट्रोफी' हा अनुवांशिक आजार असल्याचं समोर आलं. 'स्पायनल कॉर्ड'मध्ये मज्जातंतू पेशींची कमतरता असल्यानं हा आजार होतो. २२ कोटींचं एक इंजेक्शन या आजारावर उपचार म्हणून वापरलं जाणारं 'जोलगेन्स्मा' हे एक इंजेक्शन खरेदी करण्यासाठी १६ कोटी रुपयांचा खर्च येतो. तसंच यावर भारत सरकारचं ६ कोटी रुपयांचा कर भरावा लागतो. त्यामुळे भारतात या इंजेक्शनची किंमत तब्बल २२ कोटींवर जाते. '' () हे इंजेक्शन दोन वर्षांहून कमी वयाच्या मुलांसाठी वापरलं जातं. ईशानी ऑगस्ट महिन्यात दोन वर्षांची होणार आहे. वेळेत उपचार मिळाले नाहीत तर मुलांना बोलणं, चालणं, गिळणं आणि श्वास घेणं या प्रक्रियाही कठिण होऊन बसतात. 'क्राऊड फंडिंग'ची मदत उत्तर प्रदेशातील मेरठ शहरात राहणाऱ्या एका मध्यमवर्गीय कुटुंबासाठी २२ कोटी रुपये उभे करणं ही केवळ अशक्य गोष्ट होती. त्यामुळे याच वर्षी फेब्रुवारी महिन्यात ईशानीच्या कुटुंबानं क्राऊड फंडिंगच्या माध्यमातून एक मोहीम सुरू करण्याचा निर्णय घेतला. ईशानीचे वडील अभिषेक वर्मा यांनी दिलेल्या माहितीनुसार, सुरुवातीच्या तीन महिन्यांत केवळ ६ लाख रुपये गोळा होऊ शकले. याच दरम्यान अभिषेक यांना आपली दिल्लीतल्या एका खासगी कंपनीतील आपल्या नोकरीवर पाणी सोडावं लागलं. आपल्या मुलीची काळजी घेण्यासाठी आणि तिच्या उपचारावर लक्ष देण्यासाठी त्यांना हा निर्णय घ्यावा लागला होता. 'लॉटरी'नं दिलं जीवदान ईशानीवर दिल्लीच्या एम्स रुग्णालयात उपचार सुरू होते. जून महिन्याच्या पहिल्या आठवड्यात ईशानीच्या कुटुंबाला 'एम्स' रुग्णालयाकडून एक खुशखबर मिळाली... डॉक्टरांनी ईशानीला इंजेक्शन मोफत उपलब्ध होणार असल्याचं सांगितलं आणि ईशानीच्या आई-वडिलांच्या डोळ्यांत पाणी उभं राहिलं. 'नोवार्टिस'च्या लॉटरीमध्ये ईशानीचं नाव आल्यानं तिला हे इंजेक्शन मोफत उपलब्ध झालंय. 'नोवार्टिस'कडून 'झोलगेन्स्मा'चे १०० इंजेक्शन मोफत वाटले जाणार आहेत. एका लॉटरीद्वारे मुलांची निवड करण्यात आली होती. या लॉटरीत ईशानी 'भाग्यवान' ठरलीय. ''चे पैसे दान करणार १७ जून रोजी ईशानीला इंजेक्शन देण्यात आलं. पुढच्या सहा महिन्यांसाठी तिला आयसोलेशनमध्ये ठेवण्यात येणार आहे. तर 'क्राऊड फंडिंग'च्या माध्यमातून गोळा करण्यात आलेले सर्व पैसे 'स्पायनल मस्क्युलर एट्रोफी'ग्रस्त मुलांच्या कुटुंबांना दान करणार असल्याचं ईशाच्या आई-वडिलांनी म्हटलंय.
