मुंबई : वाहन उत्पादकांना मोठ्या अभियांत्रिकी, मिशन क्रिटीकल ऑटोमोटिव्ह सिस्टीम आणि सुट्या भागांची डिझाईन, निर्मिती आणि पुरवठा करणाऱ्या लिमिटेडने (सोना काॅमस्टार) भांडवल उभारणीचा निर्णय घेतला आहे. प्राथमिक बाजारात समभाग विक्री करुन कंपनी भांडवल उभारणी करणार आहे. सोना बीएलडब्ल्यू प्रिसिजन फॉरजिंग्स लिमिटेडचा आयपीओ १४ जून २०२१ रोजी खुला होणार असून १६ जून २०२१ पर्यंत गुंतवणूकदारांना अर्ज सादर करता येतील. या प्रस्तावासाठी प्रती इक्विटी शेअर २८५ ते २९१ रुपये असा किंमतपट्टा निश्चित करण्यात आला आहे. या प्रस्तावाचा एकूण आकार ५५५० कोटीएवढा असून यामध्ये ३०० कोटींच्या नव्या इक्विटी शेअरची विक्री केली जाणार आहे. विक्रेता समभागधारक, सिंगापूर VII टॉपको III पीटीई लिमिटेडकडून इक्विटी शेअरची ऑफर फॉर सेल सरासरी ५२५० कोटींची राहील. ताज्या प्रस्तावातून मिळणाऱ्या रकमेचा विनियोग कंपनी तसेच सर्वसाधारण कॉर्पोरेट कारणांशिवाय २४१.१२ कोटी नमूद असलेल्या कर्जाचा पुनर्भरणा किंवा आगाऊ भरणा करण्यासाठी करेल. ही कंपनी वेगाने वाढणाऱ्या जागतिक इलेक्ट्रीक वेहिकल (इव्ही) बाजारपेठांमधील अग्रगण्य पुरवठादार असून आर्थिक वर्ष २१ दरम्यान बॅटरी ईव्ही मार्केटमधून निर्माण होणारा महसूल १३.८ टक्के असेल आणि मायक्रो हायब्रीड / हायब्रीड मार्केटमधून निर्माण होणारा महसूल २६.७ टक्के असेल. २०२० कॅलेंडर वर्षाकरिता बीईव्ही डिफरेन्शीयल असेंब्लीजचा ग्लोबल मार्केट शेअर ८.७ टक्के होता. ही कंपनी २०२० वर्षाकरिता पुरवठा आकारमानाच्या आधारे डिफरेन्शीयल बेव्हेल गिअर मार्केट आणि स्टार्टर मोटर मार्केटमध्ये जगातील सर्वोच्च दहा मातब्बरांमध्ये येते. तिची उत्पादने जागतिक बाजारपेठेत चांगल्याप्रकारे विस्तारत आहेत. रिकार्डो अहवालानुसार, ही कंपनी सर्वोच्च १० ग्लोबल पीव्ही ओईम्सपैकी ६, सर्वोच्च १० ग्लोबल सीव्ही ओईम्सपैकी ३ आणि आकारमानानुसार सर्वोच्च ८ ग्लोबल ट्रॅक्टर ओईएमपैकी ७ ला सेवा देते. कंपनीकडे फोर्जिंग, मेकॅनिकल आणि इलेक्ट्रिकल सिस्टिम तसेच बेस आणि अॅप्लिकेशन सॉफ्टवेअर डेव्हलपमेंटमध्ये मजबूत संशोधन आणि विकास, अभियांत्रिकी आणि तांत्रिक क्षमता आहेत. कंपनीच्या भौगोलिक, उत्पादने, वाहन प्रकार आणि ग्राहकांमध्ये वैविध्यपूर्ण आढळते. क्रिसिल अहवालानुसार, बाजारातील भांडवलाच्या आधारे भारतातील टॉप १० सूचीबद्ध वाहन घटक उत्पादक कंपन्यांच्या तुलनेत या कंपनीचे वित्तीय वर्षात सर्वाधिक कार्यरत ईबीआयटीडीए मार्जिन, पीएटी मार्जिन, आरओसीई आणि आरओई राहिले आहेत. त्यांनी सातत्याने २६ टक्क्यांपेक्षा अधिक ईबीआयटीडीए मार्जिन दिले असून आर्थिक वर्ष १९-२१ मध्ये प्रत्येक वर्षी ३५ टक्के सरासरी आरओई त्याहून अधिक वितरित केले आहेत. वित्तीय वर्ष १६-२० दरम्यान कामकाजी उत्पन्नाची वाढ समान सहयोगींच्या सरासरीपेक्षा अधिक नोंदवली गेली.
