कंपन्यांचा 'वेट अँड वाॅच'! अधिवेशन सुरु असल्याने पेट्रोल-डिझेलबाबत घेतला 'हा' निर्णय - Times of Maharashtra

ठळक बातम्या

Friday, July 30, 2021

कंपन्यांचा 'वेट अँड वाॅच'! अधिवेशन सुरु असल्याने पेट्रोल-डिझेलबाबत घेतला 'हा' निर्णय

https://ift.tt/3yqjGC0
मुंबई : संसदेचे पावसाळी अधिवेशन सुरु आहे. इंधन दरवाढीवरून विरोधाकांनी सरकारला धारेवर धरल्यानंतर पेट्रोलियम कंपन्यांनी तूर्त दरवाढीला ब्रेक दिला आहे. सलग १३ व्या दिवशी कंपन्यांनी पेट्रोल आणि डिझेलचा दर स्थिर ठेवला आहे. पेट्रोलियम कंपन्यांनी आज इंधन दरात कोणताही बदल केला नाही. आज शुक्रवारी देशभारत पेट्रोल आणि डिझेलचा दर स्थिर आहे. जागतिक कमॉडिटी बाजारात ७५ डॉलर नजीक असला तरी तूर्त भारतीयांना इंधन दरवाढीपासून दिलासा मिळाला आहे. आज सलग १३ व्या दिवशी पेट्रोल आणि 'जैसे थे'च आहे. मुंबईत आजचा एक लीटर पेट्रोलचा भाव १०७.८३ रुपये आहे. दिल्लीत पेट्रोल १०१.८४ रुपये आहे. चेन्नईत पेट्रोलचा भाव १०२.४९ रुपये इतका आहे. तर कोलकात्यात एक लीटर पेट्रोल १०२.०८ रुपये झाले आहे. भोपाळमध्ये साध्या पेट्रोलचा भाव ११०.२० रुपयांवर कायम आहे. बंगळुरात पेट्रोल १०५.२५ रुपये झाले आहे. मुंबईत आज शुक्रवारी डिझेलचा भाव ९७.४५ रुपयांवर कायम आहे. दिल्लीत डिझेल ८९.८७ रुपये आहे. चेन्नईत ९३.६३ रुपये आणि कोलकात्यात डिझेलचा भाव ९३.०२ रुपये प्रती लीटर झाला आहे. भोपाळमध्ये डिझेलचा भाव ९८.६७ रुपये झाला आहे. बंगळुरात डिझेल ९५.२६ रुपये आहे. जागतिक कमॉडिटी बाजारात ब्रेंट क्रूडचा भाव ७५ डॉलरच्या पुढे गेला आहे. बुधवारी त्यात १.३१ डॉलरची वाढ झाली आणि ब्रेंटचा भाव प्रती बॅरल ७६.०५ डॉलर झाला. डब्ल्यूटीआय क्रूडचा भाव १.३३ डॉलरने वाढला आणि तो ७३.६२ डॉलर इतका झाला. जागतिक बाजारात कच्च्या तेलाच्या वाढत्या किमतींनी कंपन्यांवरील दबाव वाढला आहे. मात्र अधिवेशन सुरु असून त्यात इंधन दरवाढीचा मुद्दा गाजत आहे. परिणामी पेट्रोलियम कंपन्यांनी तूर्त वेट अँड वाॅचची भूमिका घेतली आहे.