जेरूसलेम: देशातील महत्त्वाच्या राजकीय व्यक्ती, न्यायाधीश, पत्रकार, सामाजिक कार्यकर्ते यांचे फोन ''या हेरगिरीसाठी वापरण्यात येणाऱ्या तंत्राच्या साह्याने टॅप आणि हॅक केल्यावरून गदारोळ झाला असतानाच, 'चोर तो चोर वर शिरजोर' या न्यायाने 'कायदा आणि सुव्यवस्था राखण्याच्या कामी 'पेगॅसस'सारखे तंत्रज्ञान आहे, म्हणून कोट्यवधी लोकांना रात्रीची झोप निर्धास्त घेता येत आहे,' असा दावा इस्रायलच्या सायबरसुरिटी कंपनी एनएसओ समूहाने केला आहे. 'या तंत्रज्ञानाचे संचालन आपण करत नाही किंवा आपल्या ग्राहकांकडून गोळा केलेली माहिती (डेटा) आपल्याकडे पोहचत नाही,' असेही कंपनीने म्हटले आहे. भारतासह अनेक देशांमधील पत्रकार, मानवाधिकार कार्यकर्ते, राजकीय नेते आणि अन्य लोकांची हेरगिरी करण्यासाठी पेगॅसस सॉफ्टवेअरच्या कथित वापराने गोपनीयतेच्या मुद्द्यांवरून चिंता निर्माण झाली आहे. आंतरराष्ट्रीय मीडिया असोसिएशनच्या म्हणण्यानुसार, इस्रायली कंपनीने विविध सरकारांना विकल्या गेलेल्या स्पायवेअरद्वारे राजकीय नेते, मानवाधिकार कार्यकर्ते आणि पत्रकार यांना लक्ष्य केले होते. 'पेगॅसस आणि इतर अशा तंत्रज्ञानामुळेच जगभरातील कोट्यवधी लोक रात्री शांतपणे झोपू शकतात आणि सुरक्षितपणे रस्त्यावर उतरतात. तसेच अशा तंत्रज्ञानाद्वारे गुप्तहेर आणि कायद्याची अंमलबजावणी करणाऱ्या संस्था एन्क्रिप्टेड अॅप अंतर्गत लपविलेल्या माहितीचा शोध घेऊन गुन्हेगारी, दहशतवादी घटना रोखण्यास मदत करतात,' असा दावा 'एनएसओ'च्या प्रवक्त्याने केला आहे. वाचा: वाचा: 'एनएसओ, जगातील इतर अनेक सायबर इंटेलिजेंस कंपन्यांसह सरकारांना सायबर सुरक्षा साधने उपलब्ध करते. कारण कायद्याची अंमलबजावणी करणाऱ्या संस्थांमध्ये मेसेजिंग आणि सोशल मीडियावरील संशयास्पद मजकुरावर लक्ष ठेवण्यासाठी मजबूत यंत्रणा आणि नियामक उपाय त्यांच्याकडे नसतात,' असे प्रवक्त्याने म्हटले आहे. वाचा: दरम्यान, 'पेगॅसस' या हेरगिरीच्या सॉफ्टवेअरच्या आधारे सामाजिक कार्यकर्ते, पत्रकार यांच्यावर पाळत ठेवली जाणे चिंताजनक आहे,' असे अमेरिकेने म्हटले आहे. अमेरिकेच्या दक्षिण आणि मध्य आशियाविषयक विभागाचे कार्यकारी उपमंत्री डीन थॉम्पसन यांनी या विषयावर शुक्रवारी दैनंदिन पत्रकार परिषदेत चिंता व्यक्त केली.
