टोकियो: ऑस्ट्रेलियाकडून झालेल्या ७-१ अशा पराभवानंतर भारतीय हॉकी संघाने शानदार कमबॅक केला. आज मंगळवारी झालेल्या साखळी फेरीतील सामन्यात भारताने स्पेनवर ३-० असा विजय शानदार विजय मिळवला. या विजयामुळे भारत ग्रुप ए मध्ये दुसऱ्या स्थानावर पोहोचला आहे. ऑस्ट्रेलिया पहिल्या स्थानावर आहे. वाचा- स्पेन विरुद्धच्या सामन्यात भारताच्या हॉकी संघाने सुरुवातीपासून आक्रमक खेळ केला. १४व्या मिनिटाला सिमरनजीतने गोल करून भारताला १-० अशी आघाडी मिळून दिली. त्यानंतर १५व्या मिनिटाला पेनाल्टी स्ट्रोकवर दुसरा गोल करून भारताने आघाडी २-० अशी केली. भारताकडून दुसरा गोल रुपिंदर पाल सिंहने केला. पहिल्या हाफचा खेळ संपला तेव्हा भारताने २-० अशी आघाडी घेतली होती. वाचा- त्यानंतर ५१ व्या मिनिटाला रुपिंदरने आणखी एक गोल करून भारताला ३-० अशी आघाडी मिळून दिली. रुपिंदरचा हा ऑलिम्पकमधील तिसरा गोल ठरला. वाचा- आता भारताची लढत ऑलिम्पिक सुवर्णपदक विजेत्या अर्जेंटिनाविरुद्ध होणार आहे. ही लढत २९ जुलै रोजी होणार आहे. त्यानंतर ३० जुलै रोजी यजमान जपानविरुद्ध भारतची मॅच होईल. भारताने पहिल्या लढतीत न्यूझीलंडवर ३-२ असा विजय मिळवला. त्यानंतर ऑस्ट्रेलियाकडून ७-१ असा पराभवाचा धक्का बसला होता. 
