मुंबई : आयसीआयसीआय लोम्बार्ड जनरल इन्शुरन्सने ड्रोन ऑपरेटर्ससाठी सर्वसमावेशक अशी रिमोट नियंत्रित विमान विमा योजना अर्थात योजनेची घोषणा केली. ड्रोनची चोरी अथवा त्याचे उड्डाणादरम्यान नुकसान झाल्यास विम्याचे संरक्षण मिळणार आहे. ड्रोनला जोडण्यात आलेला कॅमेरा अथवा अन्य साधनांचाही या विमा कवचात समावेश आहे. तसेच त्रयस्थ पक्षाला द्यावी लागणारी नुकसानभरपाई म्हणजेच थर्ड पार्टी लायबीलिटीजचाही या विमा संरक्षणात समावेश आहे. सर्वसमावेशक असलेली ही विमा पॉलिसी सहा जोखीमांसाठी विम्याचे कवच देते. ड्रोनची चोरी अथवा नाहीसे होणे यासह अपघातात त्याचे नुकसान अथवा ते नष्ट झाल्यास विमा पॉलिसीच्या कार्यकक्षेनुसार हल कव्हर विमा संरक्षण देते. परंतु दीर्घ काळ वापराने ड्रोनची हळूहळू होणारी झीज तसेच डीजीसीएच्या नियमावलींचे उल्लंघन झाल्यास होणाऱ्या नुकसानीच्या भरपाईचा समावेश या विमा कवचात नाही. पेलोड कव्हर आणि इक्विपमेंट कव्हर हे प्रामुख्याने ड्रोनला जोडण्यात आलेले सामान (पेलोड) तसेच ड्रोनचे भाग, इंजिन आणि संबंधित उपकरणांची अपघातामुळे होणारी हानी अथवा नुकसान यांना विमा संरक्षण प्रदान करते. पर्सनल अॅक्सिडेंट कव्हर हे विमाधारीत किंवा अधिकृत ऑपरेटरला फक्त भारतीय हद्दीत विमा संरक्षण देते. ड्रोन चालवत असताना अपघातामुळे अथवा ड्रोन दुर्घटनेमुळे त्याच्या शरीराला जखमा झाल्यास विमा संरक्षण पुरविते. ड्रोनच्या अपघातामुळे शाररीक हानी अथवा मालमत्तेच्या झालेल्या नुकसानाची भरपाई त्रयस्थ पक्ष दायित्वात दिली जाते. ड्रोनच्या सेवेदरम्यान अपघातामुळे होणाऱ्या संबंधित हानीची भरपाई आयसीआयसीआय लोम्बार्ड त्रयस्थ पक्ष दायित्वानुसार देऊ शकते.कंपनीच्या ऑनलाईन सेवा माध्यमातून ड्रोन विमा पॉलिसी मिळविता येईल. तेथे अवघ्या मिनिटभरात दर निश्चित केले जातात आणि तत्काळ पॉलिसीचे वितरण केले जाते. व्यापक आणि सर्वसमावेषक असलेल्या या पॉलिसीत आणखी नऊ अतिरिक्त (अॅड-ऑन) विमा कवचांचा समावेश केला जाऊ शकतो. तसेच प्रतिवापरासाठी शुल्क भरण्याच्या आगळ्यावेगळ्या रचनेमुळे ग्राहकाला त्यांच्या गरजांनुरुप समग्र असा अनुभव ही विमा सुविधा प्रदान करते. अॅड-ऑन विमा कवचात पर्यायी भाडे शुल्क, युध्दावेळी ड्रोनचे दायित्व विमा कवच, सायबर दायित्व विमा कवच, वैयक्तिक गोपनियतेचा भंगाबद्दल विमा संरक्षण आणि बीव्हीएलओएस मंजुरी आदींचा समावेश आहे. प्रतीवापरासाठी शुल्कआकारणी रचनेत ग्राहकाला त्याच्या गरजेनुसार पॉलिसी घेण्यास संधी दिली जाते. ते एक दिवसासाठी, एक आठवड्यासाठी अथवा वार्षिक कालावधीच्या पर्यायाची निवड करु शकतात. गेल्या काही काळात ड्रोन उद्योगक्षेत्राने वेगवान वाढीची क्षमता दाखवून दिली आहे. व्यापारी तसेच नागरी कारणांसाठी ड्रोनच्या वाढत्या वापरामुळे ड्रोनमालकांना संभाव्य हानीपासून सर्वोत्तम संरक्षण देणारे विमा कवच पुरविणे आणि त्रयस्थ पक्षाचे दायित्व कमी करण्यासाठी मदत करण्याची गरज वाढली असल्याचे आयसीआयसीआय लोम्बार्डच्या दावे, विमा स्वीकृती आणि फेरविमा विभागाचे प्रमुख संजय दत्ता यांनी सांगितले.
