नवी दिल्लीः राज्यसभेत विरोधी पक्षांचा गदारोळ आणि मार्शलना पाचारण करण्यावरून राजकारण ( ) तापलं आहे. मार्शल्सकडून खासदारांना धक्काबुक्की करण्यात आल्याचा आरोप विरोधी पक्षांनी केला आहे. यानंतर सभागृहातील सीसीटीव्ही फुटेज समोर आल्यावर विरोधी पक्षांचे खासदार मार्शलशी वाद घालताना दिसत आहेत. विरोधकांचे हे कृत्य लाजीरवाणे आणि महिला मार्शलसोबत असभ्य वर्तनाचा आरोप सरकारने पलटवार करत केला आहे. सीसीटीव्ही फुटेज समोर आल्यानंतर आता महिला मार्शल ( ) समोर आल्या आहेत. दोन महिला खासादारांनी आपल्या फरफटत नेलं, आसा आरोप महिला मार्शलने केला आहे. सेक्युरीटी असिस्टंट अक्षिता भट आणि राकेश नेगी यांनी संसदेतील सेक्युरिटी सर्व्हिसच्या संचालकांकडे लेखी अहवाल दिला आहे. खासदारांनी आपल्यासोबत गैरवर्तन केल्याचं त्यांनी अहवालात म्हटलं आहे. तर पुरुष खासदारांना सुरक्षेचं कडं तोडता यावं म्हणून दोन महिला खासदार छाया वर्मा आणि फुलो देवी नेताम यांनी आपले हात धरून फरफटत नेलं, असा आरोप महिला मार्शने केला आहे. गदारोळ करत असलेले काही खासदार आपल्या दिशेने धावत आले आणि सुरक्षेचं कडं तोडण्याचा प्रयत्न केला. आपण विरोध केल्यावर खासदार छाया वर्मा आणि फुलो देवी नेताम या दोन महिला खासदार बाजूल सरकल्या आणि पुरुष खासदारांना सुरक्षेचं कडं तोडण्यासाी आणि टेबलपर्यंत पोहोचण्यासाठी रस्ता दिला, असं अक्षिता भट यांनी म्हटलं आहे. माकप खासदाराने आपला गळा आवळला, श्वास गुदमरलाः राकेश नेगी, मार्शल मार्शल राकेश नेगी यांनी गंभीर आरोप केले आहेत. सुरक्षेचं कडं तोडण्यासाठी माकप खासदार एलामारन करीम यांनी आपला गळा आवळला. यामुळे आपला जीव गुदमरला आणि श्वास घेण्यास त्रास होऊ लागला. ११ ऑगस्टला राज्यसभा चेंबरमध्ये आपल्याला मार्शलच्या ड्युटीवर तैनात करण्यात आले होते. एलामारन करीम आणि अनिल देसाई यांनी मार्शल्सचा सुरक्षा घेरा तोडण्याचा प्रयत्न केला, असा आरोप राकेश नेगी म्हणाले. सरकारने मार्शलद्वारे विरोधी पक्षांच्या खासदारांवर हल्ला केला. देशाच्या इतिहासात प्रथमच राज्यसभेत खासदारांशी गैरवर्तन झाले आणि त्यांना मारहाण केली गेली. ही लोकशाहीची हत्या आहे, असा आरोप काँग्रेस नेते राहुल गांधी यांनी केला.
