मुंबई : जागतिक बाजारात कच्च्या तेलाच्या किमतीत तेजी कायम असल्याने पेट्रोलियम कंपन्यांनी इंधन दरांबाबत सावध भूमिका घेतली आहे. आज शुक्रवारी पेट्रोल आणि डिझेल दरात कोणताही बदल केला नाही. सलग १२ व्या दिवशी देशभरात इंधन दर स्थिर आहेत. आज मुंबईत एक लीटर १०७.२६ रुपये आहे. दिल्लीत पेट्रोल १०१.१९ रुपये आहे. चेन्नईत पेट्रोलचा भाव ९८.९६ रुपये इतका आहे. कोलकात्यात एक लीटर पेट्रोल १०१.६२ रुपये झाला आहे. भोपाळमध्ये साध्या पेट्रोलचा भाव १०९.६३ रुपयांपर्यंत खाली आला आहे. बंगळुरात पेट्रोल १०४.७० रुपये झाले आहे. आज मुंबईत एक लीटर ९६.१९ रुपये आहे. दिल्लीत डिझेल ८८.६२ रुपये झाला आहे. चेन्नईत ९३.२६ रुपये आणि कोलकात्यात डिझेलचा भाव ९१.७१ रुपये प्रती लीटर इतका आहे. भोपाळमध्ये डिझेलचा भाव ९७.४३ रुपये असून बंगळुरात डिझेल ९४.०४ रुपये आहे. यापूर्वी ५ सप्टेंबर २०२१ रोजी पेट्रोलियम कंपन्यांनी पेट्रोल आणि डिझेल दरात प्रत्येकी १५ पैसे कपात केली होती. गेल्या महिन्यात १८ ते २० ऑगस्ट असे तीन सलग दिवस डिझेल दरात २० पैसे कपात केली होती. त्यानंतर रक्षाबंधनाच्या दिवशी डिझेल २० पैशांनी स्वस्त झाले होते. त्यानंतर एकदा डिझेलमध्ये १५ पैसे आणि गेल्या बुधवारी पेट्रोल आणि डिझेलमध्ये प्रत्येकी १५ पैसे कपात करण्यात आली होती. दरम्यान, जागतिक कमॉडिटी बाजारात कच्च्या तेलाचा भाव वाढला आहे. गुरुवारी बाजार बंद होताना ब्रेंट क्रूडचा भाव ०.१६ डॉलरने वधारून ७५.६७ डॉलर प्रती बॅरल झाला. डब्ल्यूटीआय क्रूडचा भाव ७२.६१ डॉलरवर स्थिर आहे. अमेरिकेत चक्री वादळानंतर झालेल्या नुकसानीने तेल विहिरींना फटका बसला आहे. अजूनही तेथील कच्च्या तेलाचे उत्पादन पूर्ववत झालेले नाही.
