नागपूर : साप समोर जरी आला तरी आपल्याला घाम फुटेल पण वर्धा (Wardha) इथे एक धक्कादायक घटना उघडकीस आली आहे. इथं एका मुलीच्या गळ्यात थेट किंग कोब्राने विळखा घातला होता. सगळ्यात गंभीर बाब म्हणजे तब्बल 2 तास या कोब्राने मुलीचा गळा घट्ट गुंडाळला होता. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे. मिळालेल्या माहितीनुसार, या कोब्राने मुलीवर हल्लाही केली पण यामधून ती सुखरुप बचावली असल्याचं सांगण्यात येत आहे. या घटनेबद्दल प्रत्येकजण आश्चर्यचकित आहे. महाराष्ट्रातील वर्धा येथे घडलेल्या या घटनेचे व्हिडिओ सोशल मीडियावर व्हायरल होत आहेत. पूर्वा गडकरी असं मुलीचे नाव आहे. विषारी कोब्रा पूर्वाच्या मानेभोवती गुंडाळलेला होता. या दरम्यान, ती तिच्या घरी बेडवर घाबरून पडलेली होती. कुटुंबीयांसह इतर लोकही तिच्याजवळ उभे होते. सगळे घाबरले होते. कोब्राला तिच्या गळ्यातून काढण्याचा कोणी प्रयत्न करत नसला तरी कुटुंबाने साप पकडणाऱ्याला बोलावले होते. इतकंच नाहीतर तिने कोणतीही हालचाल करु नये शांत पडून राहा, असं तिच्या कुटुंबियांनी तिला सांगितलं होतं. कुटुंबाच्या सांगण्यावरून पूर्वा सुमारे दोन तास त्याच स्थितीत पडून राहिली. जेव्हा तिला वाटले की, कोब्रा आता जाण्याचा प्रयत्न करत आहे, तेव्हा ती थोडी हलली. या दरम्यान, कोब्राने तिच्या खांद्यावर हल्ला केला. मात्र, कुटुंबीयांनी तिला तातडीने रुग्णालयात नेल्यामुळे ४ दिवसांच्या उपचारानंतर तिला बचावण्यात यश आलं. याचा सोशल मीडियावर तुफान शेअर होत आहे.
