म. टा. प्रतिनिधी, मुंबई वेगाने होणारे लसीकरण, आटोक्यात आलेला करोना आणि दिवाळीची सुट्टी असा योग साधून पर्यटनासाठी बाहेर पडणाऱ्या पर्यटकांना प्रवासासाठी खिसा रिकामा करावा लागणार आहे. राज्यातील कंपनीने तिकीट दरात सरासरी ३० टक्क्यांपर्यंत भाडेवाढ करण्याचा निर्णय घेतला आहे. शयनयान आणि बैठी आसने असलेल्या सर्व बससाठी हे दर ३० ऑक्टोबरपासून लागू करण्यात येणार आहेत. करोना दुसरी लाट नियंत्रणात आल्यानंतर पुन्हा एकदा भरभराटीला येत आहे. वर्क फ्रॉम होम अर्थात घरातून काम करताना गेल्या दोन वर्षांतील सुट्ट्या हाताशी असल्याने नोकरदार वर्ग आनंदात आहे. यामुळे गुरुवार, ४ ऑक्टोबर रोजी लक्ष्मीपूजन घरी करून शुक्रवारपासून पर्यटनासाठी बाहेर पडण्याकडे नागरिकांचा कल असल्याने त्यादृष्टीने बस गाड्यांचे आरक्षण देखील वाढत असल्याचे चित्र आहे. 'सातत्याने होणाऱ्या इंधन दरवाढीमुळे डिझेलने शंभरी ओलांडली आहे. विविध राज्यांतील दर वेगवेगळे असले तरी सर्वत्र प्रति लिटर शंभर रुपयांहून अधिक आहे. दिवाळीनिमित्त मुंबई-पुण्यातून अन्य शहरांकडे जाणाऱ्या गाड्या फुल्ल भरून जातात. मात्र परतीची तिकिटे अद्याप विकली गेली नसल्याने हे नुकसान खासगी वाहतूकदारांना सहन करावे लागते. यामुळे नाईलाजास्तव दरवाढ करावी लागत आहे', असे महाराष्ट्र राज्य माल व प्रवासी वाहतूक संघटनेचे अध्यक्ष बाबा शिंदे यांनी सांगितले. कारवाईचे आदेश खासगी बस ट्रॅव्हल्स वाहतूकदारांकडून भाडेवाढीच्या हालचाली सुरू असल्याचे लक्षात येताच परिवहन आयुक्तालयाकडून कारवाई करण्याचे आदेश काढण्यात आले आहेत. खासगी कंत्राटी बससेवेला एसटी तिकीट दरापेक्षा ५० टक्क्यांहून अधिक भाडे आकारता येत नाही. खासगी वाहतूकदारांनी अधिक भाडे आकारल्यास त्यांच्यावर कारवाई करण्याचे लेखी आदेश परिवहन आयुक्त अविनाश ढाकणे यांनी काढले आहेत. आयुक्तालयाने यापूर्वीही असेच आदेश काढले; मात्र किती खासगी बसवर कारवाई झाली याची माहिती अद्याप उपलब्ध झालेली नाही. यामुळे या आदेशाची कडक अंमलबजावणी होणार की हे आदेश धूळ खात पडणार हे दिवाळीच्या गर्दीतील हंगामातच स्पष्ट होईल. मुंबईहून सुटणाऱ्या गाड्यांचे जुने आणि नवे दरपत्रक (रुपयांत) मार्ग सध्याचे दर शयनयान/बैठे प्रस्तावित दर शयनयान/बैठे बेंगळुरू १८००/१३०० २१००/१५०० मंगळुरू २२००/१४०० ३०००/१८०० हैदराबाद १२००/१००० २०००/१२०० गोवा ९००/१२०० १५००/१८०० कोल्हापूर ९००/६०० ११००/१२०० राजकोट ८००/१००० १८००/१५०० अहमदाबाद ६००/१००० १०००/१२०० इंदूर १५००/१००० २०००-१५०० (बसमधील मनोरंजनाच्या सुविधेनुसार दर कमी-अधिक होऊ शकतात.)
