मुंबई : आयटीआय म्युच्यूअल फंडाने आयटीआय ही नवीन योजना बाजारात आणली आहे. या योजनेचा एनएफओ १५ नोव्हेंबर २०२१ रोजी खुला झाला असून २९ नोव्हेंबर २०२१ ला बंद होणार आहे. या योजनेत किमान गुंतवणूक पाच हजार रुपयांची असून त्यानंतर एक रुपयांच्या पटीत गुंतवणूक करता येईल. या फंडाचे व्यवस्थापन प्रदीप गोखले आणि प्रतिभ अगरवाल हे संयुक्तपणे सांभाळणार आहेत. आयटीआयने आपल्या दोन वर्षाच्या वाटचालीत हा १५ वा फंड बाजारात आणला आहे. एप्रिल २०२१ मध्ये कार्यान्वित झालेला असून आत्तापर्यंत या फंडाने गुंतवणूकदारांसाठी १४ प्रमुख फंड योजना बाजारात आणलेल्या आहेत. या मालमत्ता व्यवस्थापन कंपनीला (एएमसी) रोख निधीच्या बाबतीत अतिशय सक्षम अशा उद्योगसमुहाचे पाठबळ आहे. आपल्या गुंतवणूकदारांना दीर्घ कालावधीत उत्तम अनुभव मिळण्यासाठी अतिशय छोट्या कालावधीत समुहाने आपल्या एएमसीत उच्च कारभार, मनुष्यबळ, प्रक्रिया आणि पायाभूत सुविधांबाबत उत्तम मापदंड तयार केले आहेत. या फंडाच्या व्यवस्थापनांतर्गत असलेल्या एकूण निधीने (एयुएम) ऑगस्ट २०२१ अखेरीस तब्बल दोन हजार कोटी रुपयांचा टप्पा ओलांडला आहे. बँकिंग आणि वित्तीय सेवा क्षेत्रात हा फंड प्रामुख्याने गुंतवणूक करणार आहे. त्यात बँका, विमा कंपन्या, पतमापन कंपन्या आणि नव्याने उदयास येत असलेल्या फिनटेक कंपन्यांमध्ये प्रामुख्याने गुंतवणूक केली जाणार आहे. नवीन एनएफओबद्दल बोलताना आयटीआय म्युच्यूअल फंडाचे मुख्य कार्यकारी अधिकारी आणि मुख्य गुंतवणूक अधिकारी जॉर्ज हेबर जोसेफ म्हणाले, “भारतात बँकींग आणि वित्तीय सेवांचे नियमन उत्तम प्रकारे केले जाते. गेल्या काही वर्षात या क्षेत्राने अखंडपणे वाढ दाखविली आहे. अतिशय सखोलपणे आणि संशोधनपुर्ण गुंतवणूक प्रक्रियेचा अवलंब करून गुंतवणूकदारांना एक अनोखा गुंतवणूक अनुभव देण्याचा फंड हाऊसला विश्वास आहे. आमचे फंड घराणे एसक्युएल म्हणजेच सुरक्षेसाठी पुरेसे मार्जिन ( एस), गुणवत्तापुर्ण व्यवसाय (क्यू) आणि अल्प लिव्हरेज (एल) या गुंतवणूक पध्दतीचे अनुकरण करते आणि त्याआधारे गुंतवणूकदारांना गुंतवणूकीचा सर्वोत्तम अनुभव प्रदान करते.”
