हापूड, उत्तर प्रदेश : आगामी उत्तर प्रदेश विधानसभा निवडणुकांदरम्यान कृषी कायद्याविरोधातील शेतकरी आंदोलनाचा विषयही महत्त्वाचा ठरतोय. याच पार्श्वभूमीवर येत्या रोजी लखनऊमध्ये बोलावण्यात आलीय. या महापंचायतीला रोखण्याचा किंवा अडथळे आणण्याचा सरकारकडून प्रयत्न करण्यात आला तर पंतप्रधान आणि उत्तर प्रदेशचे मुख्यमंत्री यांना उत्तर प्रदेशात उतरूही दिलं जाणार नाही, असा इशारा शेतकरी नेते राकेश टिकैत यांनी दिलाय. 'कमल का फूल एक भूल' म्हणत यावेळी भाजपचा सुपडा-साफ करण्याचं आवाहन राकेश टिकैत यांनी शेतकऱ्यांना आणि नागरिकांना केलंय. राज्यातील आणि केंद्रातील सत्ताधारी भाजपवर टीका करण्याची एकही संधी राकेश टिकैत सोडताना दिसत नाहीत. गढमुक्तेश्वर भागात भरलेल्या कार्तिक जत्रेतही शेतकरी आंदोलक विरुद्ध सरकार वादाचा प्रभाव दिसून आला. गढमुक्तेश्वरमध्ये लावलष्कर यांच्यासोबत दाखल झालेल्या टिकैत यांनी भाजपला धूळ चारण्यासाठी तयार राहण्याचं आवाहन शेतकऱ्यांना केलं. टिकैत २२ नोव्हेंबर रोजी होणाऱ्या शेतकरी महापंचायतीत सहभागी होणार आहेत. उल्लेखनीय म्हणजे, गढमुक्तेश्वरच्या कार्तिक जत्रेसाठी पश्चिम उत्तर प्रदेशातून मोठ्या संख्येनं लोक दाखल होतात. त्यामुळे, आगामी निवडणुकीच्या पार्श्वभूमीवर ही जत्रावरही राजकीय पक्षांची नजर आहे. त्यामुळे, इथलं संपूर्ण मैदान राजकीय पक्षांच्या पोस्टर्स आणि बॅनर्सनं भरलेलं दिसून येतंय.
