मुंबई : भारतीय रिझर्व्ह बँकेने () नियामकांचे पालन न केल्यामुळे स्टेट बँक ऑफ इंडियाला () १ कोटी रुपयांचा दंड ठोठावला आहे. आरबीआयने शुक्रवारी (२६ नोव्हेंबर) दिलेल्या निवेदनात म्हटले आहे की, १६ नोव्हेंबर २०२१ रोजी जारी करण्यात आलेल्या आदेशात हा दंड लावण्यात आला आहे. केंद्रीय बँकेच्या मते, आर्थिक स्थितीच्या संदर्भात ३१ मार्च २०१८ ते ३१ मार्च २०१९ दरम्यान एसबीआयच्या देखरेख मूल्यांकनावर वैधानिक निरीक्षण करण्यात आले. जोखीम मूल्यांकन तपासणी अहवालात बँकिंग नियमन कायद्याच्या तरतुदीचे उल्लंघन केल्याचे आढळले. एसबीआयने कर्जदार कंपन्यांच्या बाबतीत कंपन्यांच्या पेड-अप भाग भांडवलाच्या तीस टक्क्यांहून अधिक रकमेचे शेअर्स तारण ठेवले होते. यानंतर आरबीआयने याप्रकरणी एसबीआयला कारणे दाखवा नोटीस बजावली होती. बँकेच्या उत्तराचा विचार करून दंड ठोठावण्याचा निर्णय घेण्यात आला. पेमेंट सिस्टम ऑपरेटरनाही ठोठावला दंड तसेच रिझव्र्ह बँकेने दोन पेमेंट सिस्टम ऑपरेटरवरही दंड ठोठावला आहे. हे ऑपरेटर टाटा कम्युनिकेशन्स पेमेंट सोल्युशन्स आणि अॅपनीट टेक्नॉलॉजीज आहेत. टाटा कम्युनिकेशन्स पेमेंट सोल्युशन्सवर व्हाईट लेबल एटीएम बसवण्याबाबत मार्गदर्शक तत्त्वांचे पालन न केल्याबद्दल २ कोटी रुपयांचा दंड ठोठावण्यात आला आहे. दुसरीकडे, अॅपनीट टेक्नॉलॉजीजने रिझर्व्ह बँकेच्या खात्यातील शिल्लक आणि निव्वळ मूल्याच्या गरजेची देखभाल करण्याबाबतच्या नियमांचे पालन न केल्याबद्दल दंड ठोठावला आहे.
