नवी दिल्लीः करोनाचा नवीन वेरियंट हा दक्षिण आफ्रिकेत आढळला. त्यानंतर आता त्याचा संसर्ग २५ देशांमध्ये या वेरियंटचा संसर्ग पसरला आहे. दिलासादायक बाब म्हणजे भारतात अद्याप या वेरियंटचा एकही रुग्ण आढळलेला नाही. याबाबत भारत सरकार सतर्क आहे. संसदेच्या हिवाळी अधिवेशनात आज लोकसभेत करोनावर चर्चा होणार आहे. त्याआधी मनसुख मांडवी यांनी राज्यांची बैठक बोलावली आहे. सकाळी १० वाजता व्हिडिओ कॉन्फरन्सिंगद्वारे ही बैठक होणार आहे. विमानतळाचे आरोग्य अधिकारीही या बैठकीला उपस्थित राहणार आहेत. अमेरिका आणि यूएईमध्ये ओमिक्रॉनचे रुग्ण आढळले आहेत. आता हा संसर्ग जगातील २५ देशांमध्ये पसरला आहे. जपानने प्रवासी निर्बंध कडक केल्याने बुधवारी कोविड-19 च्या ओमिक्रॉन वेरियंटने अडचणीत भर घातली. व्हायरसच्या नवीन वेरियंटच्या संसर्गाचे रुग्ण इतर काही ठिकाणी आढळून आली आहेत. ओमिक्रॉन लसीलाही चकवा देऊ शकतो, यावर शोध सुरू आहे. शास्त्रज्ञांनी अद्याप यावर उत्तर दिलेलं नाही. दुसरीकडे, युरोपसह अनेक देश अजून करोनाच्या डेल्टा वेरियंटचा सामना करत आहेत. अनेक देशांचे निर्बंध भारताने आंतरराष्ट्रीय विमान सेवा सामान्य करण्याचा निर्णय बुधवारी पुढे ढकलला आहे. जपानने आंतरराष्ट्रीय विमानांच्या बुकींगवर डिसेंबर अखेरपर्यंत बंदी घातली आहे. अनेक देशांनी दक्षिण आफ्रिकेतील प्रवाशांवर निर्बंध आणले आहेत. अमेरिकेने प्रवाशांची तपासणी कठोर केली आहे.
