लखनऊ: ओमिक्रॉनचा धोका आणि रुग्णांची वाढती संख्या लक्षात घेत अनेक राज्यांत पुन्हा एकदा निर्बंध लावण्याच्या हालचाली सुरू असतानाच उत्तर प्रदेशची राजधानी लखनऊबाबत मोठा निर्णय घेण्यात आला आहे. शहर आणि जिल्ह्यात जमावबंदी लागू करण्यात आली असून याबाबतचे आदेश आज जारी करण्यात आले आहेत. ( ) वाचा: कोविडचा वाढता धोका लक्षात घेत उत्तर प्रदेशची राजधानी लखनऊमध्ये कठोर पावले टाकण्यात येत आहेत. त्याचाच भाग म्हणून करण्याचा निर्णय घेतला गेला आहे. याबाबतचा आदेश जारी करण्यात आला असून त्याची तत्काळ प्रभावाने अंमलबजावणी करण्याची सूचनाही करण्यात आली आहे. ही जमावबंदी ५ जानेवारी २०२२ पर्यंत असणार आहे. याबाबत सहपोलीस आयुक्त (कायदा आणि सुव्यवस्था) पीयूष मोर्डिया यांनी माहिती दिली. वाचा: कोविडच्या अनुषंगाने ज्या गाइडलाइन्स निश्चित करण्यात आल्या आहेत त्याचे काटेकोरपणे पालन व्हावे यासाठी पोलीस दक्ष राहणार आहेत. विधानसभेच्या परिसरात कोणत्याही प्रकारचे मोर्चे, आंदोलने, निदर्शने यांना मनाई करण्यात आली आहे. रेस्टॉरंट, हॉटेल, चित्रपटगृह, मल्टिप्लेक्स, जीम, स्टेडियम आता ५० टक्के क्षमेतने चालवण्याचे बंधन असेल, असे मोर्डिया यांनी नमूद केले. सर्व सार्वजनिक ठिकाणी मास्कसक्ती असेल. मास्क न लावल्यास नियमानुसार दंड लावला जाईल. बंदिस्त सभागृहात समारंभ होणार असेल तर १०० पेक्षा अधिक व्यक्ती त्यात सहभागी होऊ शकणार नाहीत. खुले मैदान वा अन्य ठिकाण असल्यास त्या जागेच्या क्षेत्रफळानुसार उपस्थितीबाबत मर्यादा असेल. तिथे प्रवेशद्वारावर बंधनकारक असेल, असे त्यांनी सांगितले. धार्मिक स्थळांबाबतही नवे नियम लागू केले गेले आहेत. त्यानुसार धार्मिक स्थळाच्या ठिकाणी एकावेळी ५० पेक्षा जास्त भाविकांनी एकत्र येण्यास प्रतिबंध करण्यात आला आहे. याशिवाय सोशल मीडियाबाबतही कठोर नियम लावण्यात आले आहेत. व्हॉट्सअॅपवर प्रक्षोभक पोस्ट शेअर केल्यास संबंधित व्यक्ती तसेच ग्रुप अॅडमिनवर कठोर कारवाई केली जाईल, असेही बजावण्यात आले आहे. वाचा:
