इस्लामाबाद: पाकिस्तानचे पंतप्रधान यांच्यावर पराभवाची नामुष्की ओढवली आहे. विरोधी पक्षांनी एकत्र येत इम्रान यांच्याविरुद्ध अविश्वास ठराव आणला होता. या ठरावाच्या बाजूने १७४ सदस्यांनी मतदान केले असून हा ठराव बहुमताने मंजूर करण्यात येत असल्याचे पॅनल ऑफ चेअरमन यांनी जाहीर केले. दरम्यान, इम्रान खान यांना पंतप्रधानपदावरून हटवण्यात आले असून विरोधी पक्षनेते हे पाकिस्तानचे नवे पंतप्रधान असतील हे स्पष्ट झाले आहे. शाहबाज शरीफ हे माजी पंतप्रधान यांचे धाकटे बंधू आहेत. ( ) वाचा : पाकिस्तानात आजवर कोणत्याही सरकारला पाच वर्षांचा कार्यकाळ पूर्ण करता आलेला नाही. आता इम्रान खान यांनाही मोठ्या राजकीय नाट्यानंतर सत्तेतून पायउतार व्हावे लागले आहे. सर्वोच्च न्यायालयाच्या आदेशाने पाकिस्तानच्या संसदेत अविश्वास ठरावावर मतदान घेण्यात आले. मतदानाआधी सभापती आणि उपसभापतींनी आपल्या पदांचा राजीनामा दिला. त्यानंतर इम्रान यांचा पक्ष पीटीआयच्या सदस्यांनीही सभागृहातून काढता पाय घेतला. पुढचं कामकाज पॅनल ऑफ चेअरमन अयाज सादिक यांनी चालवलं. अविश्वास ठरावावर मध्यरात्रीनंतर मतदान प्रक्रिया सुरू करण्यात आली. हा ठराव अपेक्षेप्रमाणे विरोधकांनी जिंकला. इम्रान यांच्यावर १७४ सदस्यांनी अविश्वास व्यक्त केला व ठरावाच्या बाजूने मतदान केले. त्यामुळे सादिक यांनी बहुमताने हा ठराव मंजूर करत असल्याचे जाहीर केले. वाचा : अविश्वास ठरावाच्या अग्निपरीक्षेआधीच मैदान सोडणाऱ्या इम्रान यांना आता पंतप्रधानपदावरून हटवण्यात आले असून विरोधी पक्षनेते शाहबाज शरीफ हे पाकिस्तानचे नवे पंतप्रधान असतील हे सुद्धा स्पष्ट झाले आहे. पाकिस्तानसाठी ही नवी पहाट असल्याचे सांगत यावेळी शरीफ यांनी आपली भूमिका स्पष्ट केली. इम्रान यांच्यावर मोठी कारवाई होईल असे सांगितले जात आहे. मात्र, आम्ही सूडबुद्धीने काम करणार नाही, असे शरीफ यांनी सांगितले. कायद्यापुढे कुणीही मोठं नाही. निरपराधांना जेलमध्ये टाकायचं ही आमची वृत्ती नाही. पण, कुणी गुन्हेगार असेल तर त्याला कायदा शासन करेल, असे सूचक विधानही त्यांनी केले. दरम्यान, इम्रान हे कामकाज सुरू झाल्यापासून संसदेत फिरकलेच नाहीत. त्यामुळे त्यांनी आधीच मैदान सोडल्याचे स्पष्ट झाले होते. ऐन मतदानाच्या वेळी त्यांच्या पक्षानेही सभागृहातून पळ काढला. त्यामुळे विरोधकांच्या चेहऱ्यावरील आनंद स्पष्टपणे दिसत होता. वाचा :
