मुंबई : सनरायझर्स हैदराबादच्या संघाने केकेआरवर सात विकेट्स राखत दणदणीत विजय साकारला. या हैदराबादच्या विजयानंतर गुणतालिकेत मोठे बदल () झालेले पाहायला मिळत आहेत. कारण या एकाच सामन्यानंतर दोन संघांना गुणतालिकेत मोठे धक्के बसल्याचे समोर आले आहे. हैदराबादच्या विजयानंतर गुणतालिकेची परिस्थिती नेमकी कशी झाली, पाहा...हा सामना सुरु होण्यापूर्वी केकेआरचा संघ हा गुणतालिकेत सहा गुणांसह दुसऱ्या स्थानावर होता. त्याचबरोबर त्यांचा रनरेटही चांगला होता. त्यामुळे आजचा सामना जर केकेआरच्या संघाने जिंकला असता तर त्यांना अव्वल स्थानावर जाण्याची नामी संधी होती. दुसरीकडे हैदराबादने दोन विजय मिळवले होते आणि त्यांच्या खात्यात चार गुण होते. त्यामुळे आजचा सामना जिंकून त्यांना सहा गुण कमावण्याची संधी होती. हा सामना जिंकत हैदराबादने दोन गुणांची कमाई तर केलीच, पण त्यामुळे दोन संघांना मोठे धक्के बसले आहेत. केकेआरला आजच्या सामन्यात पराभव पत्करावा लागला आणि त्यांचे अव्वल स्थान पटकावण्याचे स्वप्न भंगले. पण त्याचबरोबर त्यांना अजून एक धक्का बसला आहे. कारण या लढतीपूर्वी केकेआरचा संघ हा दुसऱ्या स्थानावर होता. पण या सामन्यातील पराभवामुळे त्यांची चौथ्या स्थानावर घसरण झाली आहे. त्यामुळे आता गुणतालिकेत दुसऱ्या स्थानी राजस्थान रॉयल्स आणि तिसऱ्या स्थानावर पंजाब किंग्सचा संघ पोहोचला आहे. त्यानंतर आता चौथ्या स्थानावर केकेआरचा क्रमांक लागत आहे. त्याचबरोबर हैदराबादच्या संघाने मोठ्या फरकाने हा सामान जिंकला त्यामुळे त्यांना दोन गुण मिळालेच, त्याचबरोबर त्यांचा रनरेटही चांगलाच सुधारलेला आहे. त्यामुळे या सामन्यापूर्वी आठव्या स्थानावर असलेल्या हैदराबादच्या संघाने यावेळी सातव्या स्थानावर झेप झेतली आहे. त्यामुळे सातव्या स्थानावरील दिल्ली कॅपिटल्सवर आठव्या स्थानावर घसरण झाली आहे. त्यामुळे आजच्या एका सामन्यानंतर सनरायझर्स हैदराबाद, दिल्ली कॅपिटल्स, केकेआर, राजस्थान रॉयल्स आणि पंजाब किंग्स या पाच संघांच्या स्थानांमध्ये बदल झालेला पाहायला मिळाला आहे. त्यामुळे आता दोन दिवसांमध्ये होणाऱ्या चार सामन्यांमध्ये गुणतालिकेत कोणते बदल होतात, याकडे सर्वांचे लक्ष लागलेले असेल.
