(केरळ): केरळमधील पलक्कड जिल्ह्यात शनिवारी राष्ट्रीय स्वयंसेवक संघाच्या ( ) कार्यकर्त्याची एका टोळीकडून हत्या करण्यात आली. या घटनेच्या काही तासांपूर्वीच जिल्ह्यात पॉप्युलर फ्रन्ट ऑफ इंडियाच्या ( ) एका नेत्याची हत्या झाल्याची घटना समोर आली होती. ( RSS Activist Breaking News ) वाचा : (वय ४५) असे आरएसएसच्या या कार्यकर्त्याचे नाव असून, त्यांच्यावर सहा सदस्यांच्या टोळीने मेलमुरी येथील त्यांच्या मोटरसायकल दुकानात हल्ला केला. त्यानंतर दुपारी स्थानिकांनी आजूबाजूच्या भागांतील दुकाने बंद केली. दरम्यान पोलिसांनी येथील सुरक्षा वाढवली आहे. वृत्तवाहिनीने प्रसारित केलेल्या जवळपासच्या दुकानांच्या सीसीटीव्ही फुटेजमध्ये, हल्लेखोर तीन मोटरसायकलवरून दुकानात पोहोचले आणि तिघांनी श्रीनिवासन यांच्यावर हल्ला केल्याचे दिसत आहे. मारेकऱ्यांना पकडण्यासाठी पोलिसांनी व्यापक मोहीम हाती घेतली आहे. वाचा : 'अतिरिक्त पोलिस महासंचालक हे पलक्कड शहरात दाखल होणार असून, गेल्या २४ तासांत झालेल्या दोन राजकीय हत्यांच्या तपासाच्या दृष्टीने ते पुढील पावले उचलतील,' असे एका वरिष्ठ पोलिस अधिकाऱ्याने सांगितले. केरळ सशस्त्र पोलीस-१ च्या तीन कंपन्यांना पलक्कड येथे जाण्याचे निर्देश देण्यात आले आहेत, असेही त्यांनी सांगितले. सुरक्षा उपायांचा भाग म्हणून सशस्त्र पोलीस बटालियनचे सुमारे २७० सदस्य पलक्कड येथे तळ ठोकून आहेत. दरम्यान, आदल्या दिवशी झालेल्या सुबैर यांच्या हत्येप्रकरणी पोलिसांनी शनिवारी संघाच्या चार कार्यकर्त्यांना ताब्यात घेतल्याचा आरोप आहे. शुक्रवारी दुपारी मशिदीत नमाज अदा करून घरी परतत असताना जिल्ह्यातील एलाप्पल्ली येथे सुबैर (४३) यांची कथितरित्या हत्या करण्यात आली होती. वाचा :
