मुंबई : लखनौ सुपर जायंट्सच्या संघाने कोलकाता नाइट रायडर्सवर ७५ धावांनी दणदणीत विजय साकारला. या मोठ्या विजयानंतर आयपीएलमध्ये मोठा उलटफेर झाला आहे. एका सामन्यानंतर आयपीएलमध्ये कोणती मोठी गोष्ट पाहायला मिळाली, पाहा...सध्याच्या घडीला आयपीएलचा ज्वर टिपेला पोहोचला आहे. कारण आयपीएलमधील प्ले ऑफची शर्यत आता चांगलीच रंगायला लागली आहे. त्यामुळे संघांची आता प्ले ऑफमध्ये पोहोचण्याची चुरस सर्वांनाच पाहायला मिळत आहे. पण दुसरीकडे एकाच सामन्याने आयपीएलमध्ये मोठा उलटफेर झाला आहे. लखनौच्या संघाने केकेआरवर धमाकेदार विजय साकारला आणि याचे फळ त्यांना गुणतालिकेतही मिळाले. कारण या विजयानंतर लखनौचा संघ हा गुणतालिकेत अव्वल स्थानावर पोहोचला आहे. पण त्यापेक्षा महत्वाची गोष्ट म्हणजे लखनौच्या संघाने गुजरात टायटन्स या संघाची अव्वल स्थानावरील मक्तेदारी मोडीत काढली आहे. गुजरातच्या संघाने सुरुवातीच एवढे विजय मिळवले होते की, गेल्या पराभवानंतरही ते अव्वल स्थानावर कायम होते. त्यामुळे गुजरातचा संघ हा साखळी फेरीत अव्वल स्थानावरच राहणार, अशी भाकीतं बऱ्याच जणांनी केली होती. पण आता गुजरातच्या संघाला लखनौच्या संघाने मोठा धक्का देत त्यांच्याकडून अव्वल स्थान आपल्याकडे घेतले आहे. आतापर्यंच्या आयपीएलमधील हा सर्वात मोठा धक्का असल्याचे पाहायला मिळत आहे. त्यामुळे आता आयपीएलमध्ये स्पर्धा एवढी कडवी झाली आहे की, कोणताही संघ आपले स्थान गृहित धरू शकत नाही. त्याचबरोबर कोणत्याही संघाबाबत तुम्ही गाफिल राहता नये. कारण लखनौसारखा संघ केकेआरवर ७५ धावांनी विजय साकारू शकतो, हे कोणच्याही गावी नव्हते. त्यामुळे लखनौने गुजरातच्या संघाला सर्वात मोठा धक्का दिला आहे. त्यामुळे आता गुजरातला अव्वल स्थान गाठण्यासाठी पुन्हा एकदा विजय मिळवावा लागणार आहे. सध्याच्या घडीला गुजरात आणि लखनौ या दोन्ही संघांचे समान १६ गुण झाले आहेत. पण रनरेटमध्ये लखनौचा संघ ा गुजरातपेक्षा वरचढ ठरला आहे. त्यामुळेच केकेआरविरुद्धचा विजय हा त्यांच्या पथ्यावर पडला असून त्यामुळे आयपीएलमध्ये मोठा बदल झाल्याचे पाहायला मिळाले आहे.
