बर्मिंगहम : भारताला आज वेटलिफ्टिंगमध्ये अजून एक पदक पटकावता आहे. भारताच्या गुरदीप सिंगने १०९ किलो वरील गटात एकूण ३९० किलो वजन उचलले आणि कांस्यपदक पटकावले. गुरदीप सिंगकडून धडाकेबाज कामगिरी केली, कारण त्याने पहिल्याच प्रयत्नात २०७ किलो क्लीन अँड जर्क उचलले आणि तो या स्पर्धेत अव्वल स्थानावर पोहोचला. गुरदीप सिंगने दुसऱ्या प्रयत्नात पाच किलो वाढ करून २१५ किलो क्लीन अँड जर्क उचलण्याचा प्रयत्न केला, पण तो अयशस्वी ठरला. भारतीय वेटलिफ्टरने येथे क्लीन अँड जर्क फेरीत सनसनाटी कामगिरी करत कांस्यपदक जिंकले. त्याने १०९ किलो वरील गटात एकूण ३९० किलो वजन उचलले आणि तिसरा क्रमांक पटकावला. भारताची बुधवारची राष्ट्रकुलमधली पदकांची कमाई....भारताला आज रौप्यपदक मिळाले ते ज्युदो या खेळात. भारताच्या तुलिका मानला स्कॉटलंडच्या सारा अॅडलिंग्टनकडून पराभव पत्करावा लागल्याने रौप्य पदकावर समाधान मानावे लागले. उपांत्य फेरीत दमदार विजय मिळवल्यावर तिच्याकडून अपेक्षा वाढल्या होत्या. पण अंतिम फेरीत तिच्याकडून अधिक चांगला खेळ होऊ शकला नाही आणि त्यामुळेच तिला रौप्यपदकावर समाधान मानावे लागले. पण रौप्यपदक पटकात तिने या स्पर्धेत इतिहास रचला आहे. कारण एकेरीतील तिने पटकावलेले हे पहिले पदक आहे. भारताचा स्क्वॉशपटू सौरव घोषालने धडाकेबाज कामगिरी करत भारताला अजून एक पदक जिंकवून दिले. पुरुषांच्या सामन्यात सौरवने इंग्लंडच्या जेम्स विल्स्ट्रॉपवर दणदणीत विजय साकारला आणि भारताला कांस्यपदक पटकावून दिले. भारताचा धाकड वेटलिफ्टर लवप्रीत सिंहने इंग्लंडमध्ये सुरू असलेल्या राष्ट्रकुल क्रीडा स्पर्धेत कांस्य पदक जिंकले. लवप्रीतने पुरुषांच्या ९१ किलो वजनी गटात शानदार कामगिरी केली. त्याने स्नॅचमध्ये १६३ किलो वजन उचलले तर क्लीन अँन्ड जर्कमध्ये १९२ किलो वजन उचलले. लवप्रीतने एकूण ३५५ किलो वजन उचलत देशाला पदक जिंकून दिले. भारताचे हे १४वे पदक ठरले. भारताच्या पूर्णिमा पांडेने हार मानली नाही. पूर्णिमाने वेटलिफ्टिंगच्या ८७ किलो वजनी गटाच्या फायनलमध्ये उतरून सर्वोत्तम कामगिरी करण्याचा प्रयत्न केला. पूर्णिमाला पदक मिळवता आले नाही, पण तिने भारताचे नाव मात्र राखले. भारताने आज हॉकीमध्ये दमदार विजय मिळवला. त्याचबरोबर भारताच्या बॉक्सिंगपटूंनेही चमकदार कामगिरी करत पुढच्या फेरीतील आपले स्थान निश्तिच केले आहे. भारताची महिला बॉक्सिंगपटू निखत झरीनने यावेळी उपांत्य फेरीत दिमाखात प्रवेश केला होता.
