भारताच्या तेजस्वीन शंकरने रचला इतिहास, उंच उंडीमध्ये भन्नाट कामगिरीसह कांस्यपदक पटकावले - Times of Maharashtra

ठळक बातम्या

Thursday, August 4, 2022

भारताच्या तेजस्वीन शंकरने रचला इतिहास, उंच उंडीमध्ये भन्नाट कामगिरीसह कांस्यपदक पटकावले

https://ift.tt/XROGAdI
बर्मिंगहम : भारताच्या तेजस्वीन शंकरने राष्ट्रकुल क्रीडा स्पर्धेत इतिहास रचला. शंकरने उंच उडी प्रकारात भारताला या स्पर्धेतील पहिले कांस्यपदक जिंकवून दिले. भारताच्या तेजस्वीन शंकर पहिल्याच प्रयत्नात २.१० मीटरच्या उंच उडीच्या स्पर्धेत संयुक्त अव्वल स्थानावर होता. तेजस्वीन शंकरसाठी २.१५ मीटर हा पुढचा अडथळा होता आणि तो त्याच्या संधीची शांतपणे वाट पाहत होता. आतापर्यंत अनेक खेळाडूंना पहिल्याच प्रयत्नात ते पार करण्यात अपयश आले होते. पण त्याने २.१५ मीटरचा टप्पाही यशस्वीपणे पार केला. त्यानंतर तेजस्वीन शंकरने २.१९ मीटर उडी मारत आपण पदकाचे दावेदार असल्याचे स्पष्ट केले. पण त्यानंतर मात्र त्याच्याकडून एक चूक घडली आणि त्याला कांस्यपदकावर समाधान मानावे लागले. भारताची बुधवारची राष्ट्रकुलमधली पदकांची कमाई....भारताला आज रौप्यपदक मिळाले ते ज्युदो या खेळात. भारताच्या तुलिका मानला स्कॉटलंडच्या सारा अॅडलिंग्टनकडून पराभव पत्करावा लागल्याने रौप्य पदकावर समाधान मानावे लागले. उपांत्य फेरीत दमदार विजय मिळवल्यावर तिच्याकडून अपेक्षा वाढल्या होत्या. पण अंतिम फेरीत तिच्याकडून अधिक चांगला खेळ होऊ शकला नाही आणि त्यामुळेच तिला रौप्यपदकावर समाधान मानावे लागले. पण रौप्यपदक पटकात तिने या स्पर्धेत इतिहास रचला आहे. कारण एकेरीतील तिने पटकावलेले हे पहिले पदक आहे. भारताचा स्क्वॉशपटू सौरव घोषालने धडाकेबाज कामगिरी करत भारताला अजून एक पदक जिंकवून दिले. पुरुषांच्या सामन्यात सौरवने इंग्लंडच्या जेम्स विल्स्ट्रॉपवर दणदणीत विजय साकारला आणि भारताला कांस्यपदक पटकावून दिले. भारताचा धाकड वेटलिफ्टर लवप्रीत सिंहने इंग्लंडमध्ये सुरू असलेल्या राष्ट्रकुल क्रीडा स्पर्धेत कांस्य पदक जिंकले. लवप्रीतने पुरुषांच्या ९१ किलो वजनी गटात शानदार कामगिरी केली. त्याने स्नॅचमध्ये १६३ किलो वजन उचलले तर क्लीन अँन्ड जर्कमध्ये १९२ किलो वजन उचलले. लवप्रीतने एकूण ३५५ किलो वजन उचलत देशाला पदक जिंकून दिले. भारताचे हे १४वे पदक ठरले. भारताच्या पूर्णिमा पांडेने हार मानली नाही. पूर्णिमाने वेटलिफ्टिंगच्या ८७ किलो वजनी गटाच्या फायनलमध्ये उतरून सर्वोत्तम कामगिरी करण्याचा प्रयत्न केला. पूर्णिमाला पदक मिळवता आले नाही, पण तिने भारताचे नाव मात्र राखले. भारताने आज हॉकीमध्ये दमदार विजय मिळवला. त्याचबरोबर भारताच्या बॉक्सिंगपटूंनेही चमकदार कामगिरी करत पुढच्या फेरीतील आपले स्थान निश्तिच केले आहे. भारताची महिला बॉक्सिंगपटू निखत झरीनने यावेळी उपांत्य फेरीत दिमाखात प्रवेश केला होता.