: जळगाव शहरातील संभाजी नगरात एका घरात अविवाहित महिलेचा मृतदेह आढळून आल्याने खळबळ उडाली आहे. नेमका मृत्य कसा झाला याचे कारण समोर आले नाही. शेजारच्या नागरिकांना मृतदेहाची दुर्गंधी सुटल्याने हा प्रकार समोर आला आहे. लिलाबाई यादव इंगळे (वय-५४, राहणार- संभाजी नगर, जळगाव) असे मयत महिलेच नाव आहे. (the dead body of the woman was lying in the house in for three days) पोलिसांकडून मिळालेल्या माहितीनुसार असे की, लिलाबाई इंगळे या गेल्या काही वर्षापासून संभाजी नगरात वास्तव्याला होत्या. त्या भुसावळ येथे न्यायालयात लिपीक म्हणून नोकरीला होत्या.अविवाहित असल्याने संभाजी नगरात घरी एकट्याच राहत होत्या. मंगळवारी सायंकाळी शेजारी राहणाऱ्या नागरीकांना दुर्गंधी आल्याने नागरिकांनी रामानंदनगर पोलिसांना माहिती दिली. पोलीस निरिक्षक अनिल शिंदे यांच्यासह कर्मचाऱ्यांनी तत्काळ घटनास्थळ गाठलं. क्लिक करा आणि वाचा- पाहणी केली असता, इंगळे यांचे घर आतून बंद होते. तर, घरात झोपलेल्या अवस्थेत लिलाबाई यांचा मृतदेह आढळला. पोलिसांनी मृतदेह जिल्हा रुग्णालयात हलविला. याबाबत महिलेच्या नातेवाईकांना माहिती देण्यात आली. त्यानुसार नातेवाईकांनी जिल्हा रुग्णालय गाठलं. शवविच्छेदन झाल्यानंतर मृतदेह नातेवाईकांच्या स्वाधीन करण्यात आला. क्लिक करा आणि वाचा- दोन ते तीन दिवसांपूर्वी महिलेचा मृत्यू झाला असावा अशी शक्यता जिल्हा रुग्णालयाच्या वैद्यकीय अधिकारी डॉ. नम्रता अच्छा यांनी दिली आहे. महिलेचा कुठल्या तरी आजाराने मृत्यू झाल्याची माहिती पोलीस निरिक्षक अनिल शिंदे यांनी बोलतांना दिली. नातेवाईकांची कुठलीही तक्रार नसल्याने याबाबत रामानंदनगर पोलीस ठाण्यात अकस्मात मृत्यूची नोंद करण्यात आहे. पुढील तपास पोलीस नाईक जितेंद्र तावडे करीत आहे. क्लिक करा आणि वाचा-
