मुंबई: रिझर्व्ह बँकेने नुकत्याच सादर केलेल्या पतधोरणाच्या द्वैमासिक आढाव्यामध्ये रेपो दरात वाढ केली. त्यामुळे बँकांना रिझर्व्ह बँकेकडून उसनवारी करून घेता येणारा पैसा महागणार आहे. परिणामी बँकांच्या पत पुरवठ्यावर परिणाम होऊ शकेल. हे टाळण्यासाठी रिटेल ठेवीदारांकडे बँकांनी मोर्चा वळवला आहे. त्यामुळे बँकेतील ठेवींचे व्याजदर वाढवण्याचा सपाटा सरकारी, खासगी बँकांनी सुरू केला आहे. याचा फायदा सर्वसामान्य नागरिकांना होण्याबरोबरच ज्येष्ठ नागरिकांना विशेषत्वाने होणार आहे. दोन कोटी रुपयांपेक्षा कमी रकमेच्या मुदतठेवींवरील व्याजदरात बँकांनी वाढ केली आहे. पंजाब नॅशनल बँक (पीएनबी) - दोन कोटी रुपयांपेक्षा कमी रकमेच्या ठेवींचे व्याजदर वाढले असून नवे व्याजदर सोमवारपासून लागू झाले - ६६६ दिवसांची मुदतपूर्ती असलेल्या ठेवींवरील व्याजदरात ०.९५ टक्के वाढ होत व्याजदर ६.३० टक्क्यांवरून ७.२५ टक्के - तीन ते १० वर्षे मुदतीच्याठेवींसाठी व्याजदरात ०.४० टक्के वाढ. नवा व्याजदर ६.५ टक्के - ज्येष्ठ नागरिकांना वरील व्याजदरांवर अर्धा टक्का अतिरिक्त व्याज मिळणार युको बँक - ६६६ दिवस मुदतपूर्ती असलेल्या ठेवींवर मिळणार ६.७५ टक्के व्याज. याच मुदतीसाठी ज्येष्ठ नागरिकांना मिळणार ७.२५ टक्के व्याज - १५१ व १८१ दिवसांच्या मुदतपूर्ती असणाऱ्या ठेवींवर मिळेल ५ टक्के व्याज - १८१ दिवस ते ३६४ दिवस या कालावधींच्या ठेवींवर ६ टक्के व्याज - एक वर्ष मुदतीच्या ठेवींसाठी व्याजदरात ०.१५ टक्के वाढ. त्यामुळे हा व्याजदर आता ६.३३ टक्क्ायंवरून ६.५० टक्क्यांवर - एक वर्ष ते दोन वर्ष मुदतीच्या ठेवींवर ६.३० टक्के व्याज - दोन ते पाच वर्षांच्या ठेवींवर मिळणार ६.२० टक्के व्याज - पाच वर्षांपेक्षा अधिक मुदतीच्या ठेवींवर आता मिळणार ६.१० टक्के व्याज - बँकेच्या कर्मचाऱ्यांनी बँकेकडे मुदतठेव ठेवल्यास त्यासाठी विविध मुदतींसाठी १ टक्का, १.२५ टक्के आणि १.५० टक्के अधिक व्याजदर दिला जाणार आहे. फेडरल बँक - सात दिवस ते २,२२३ दिवस या मुदतीतील ठेवींसाठी ३ टक्क्यांपासून ते ६.३० टक्क्यांपर्यंत व्याज. ज्येष्ठ नागरिकांना ३.५० टक्क्यांपासून ६.९५ टक्क्यांपर्यंत व्याज - १८ महिने ते दोन वर्षे कालावधीच्याठेवींवर मिळेल ७.२५ टक्के व्याज, तर ज्येष्ठ नागरिकांना दिले जाईल ७.७५ टक्के व्याज - ९१ दिवस ते ११९ दिवस या मुदतीच्या ठेवींवर ४.५० टक्के व्याज - १२० ते १८० दिवसांच्या ठेवींवर ४.७५ टक्के - १८१ दिवस ते २७० दिवस या कालावधीसाठी ६ टक्के व्याज आयडीएफसी फर्स्ट बँक - नवे व्याजदर २१ डिसेंबरपासून लागू होणार - ४६ ते ९० दिवसांसाठी मिळेल ४.५० टक्के व्याज - ९१ ते १८० दिवसांसाठी ५ टक्के व्याज - १८१ ते ३६६ दिवसांच्या तसेच ३६७ दिवल ते १८ महिने या मुदतठेवींसाठी मिळेल अनुक्रमे ६.७५ टक्के व ७.२५ टक्के व्याज
