नांदेडः काँग्रेस कार्यकर्ती सविता गायकवाड हिने स्वतःचं गोळीबाराचा कट रचल्याचे उघड झाले आहे. बाफना उड्डाणपुलावर सोमवारी रात्री ११ च्या सुमारास गोळीबाराची घटना घडली होती. या घटनेनंतर नांदेड शहरात खळबळ उडाली होती. ()परभणीच्या दोघांनी आणि इतर एक जण आशा दोन आरोपींनी गोळीबार केल्याची तक्रार सविता गायकवाड यांनी पोलीस ठाण्यात दिली होती. पण आता या गोळीबाराच्या घटनेला वेगळे वळण आले आहे. सविता गायकवाड या काँग्रेसच्या कार्यकर्तीने स्वतःच गोळीबाराचा कट रचल्याचे स्थानिक गुन्हे शाखेच्या तपासात उघड झाले आहे. सविता गायकवाड यांना डाव्या हातावर गोळी लागली होती. परभणीतील दोघांना अडकवण्यासाठी गायकवाड यांनी हा प्रकार केल्याची माहिती अप्पर पोलीस अधीक्षक अबीनाश कुमार यांनी दिली.वाचाः गुन्ह्यातील फिर्यादी आणि त्याच्या भावाला गोवण्यासाठी गायकवाड यांनीच गोळीबाराचा कट रचल्याचे स्थानिक गुन्हे शाखेने उघड केले आहे. या प्रकरणी पोलिसांनी गोळीबार करणाऱ्या दोघांना ताब्यात देखील घेतले आहे. सोमवारी रात्री बाफना परिसरात सविता गायकवाड यांच्यावर गोळीबार झाल्याची घटना घडली होती. दुचाकीवर आलेल्या तिघांनी सविता गायकवाड यांच्यावर गोळीबार केला होता. गायकवाड यांच्या दंडातून आरपार गोळी लागली होती. या प्रकरणी सविता गायकवाड यांनी परभणी येथील रहीम खान आणि त्यांच्या भावाविरोधात गुन्हा दाखल केला होता.वाचाः घटनेच्या सुरुवातीपासूनच हा प्रकार संशयाच्या भोवऱ्यात आला होता. अखेर स्थानिक गुन्हे शाखेने गोळीबार करणाऱ्या बळीरामपूर येथील अवधूत दासरवाड आणि धनेगाव येथील किरण मोरे याला ताब्यात घेऊन विचारपूस केली. परभणी येथील दोघा भावांना गुन्ह्यात गोवण्यासाठी सविता गायकवाड यांनी गोळीबारचा कट रचल्याची कबुली आरोपीनी दिली. पोलिसांनी आरोपीकडून एक पिस्टल जप्त केले आहेवाचाः
