पुणे: पुण्यात एकीकडे कोयता गॅंग पुणे शहरातल्या गल्ली बोळात दहशत माजवत आहे. तर दुसरीकडे गल्ली गल्लीत नवीन भाई तयार होत आहे. ही सगळी गुन्हेगारी वाढत असताना कोणतीही ठोस कारवाही पोलिसांकडून होताना दिसत नाही आहे. रविवारी सिंहगड रस्त्यावरील गोऱ्हे बुद्रुक येथील माळवाडी परिसरात फक्त गाडी हळू चालवा, असे सांगितल्यावर काही सराईतांनी हातात कोयते व तलवार घेऊन दहशत माजवविण्याचा प्रयत्न केला. व संबंधीत महिलेला शिवीगाळ करत मारहाण केली. हा धक्कादायक प्रकार व्हिडिओमध्ये चित्रित झाला असून सायंकाळी पाच ते सहा वाजण्याच्या सुमारास घटना घडली आहे. या घटनेनंतर परिसरात दहशतीचे वातावरण निर्माण झालं आहे. प्रसार माध्यमांमध्ये हा व्हिडिओ व्हायरल झाल्यानंतर हवेली पोलिसांनी याची दखल घेतली आहे. पोलिसांचे दोन पथक घटनास्थळी दाखल झाले आहेत. तसेच आरोपी रेकॉर्डवरील गुन्हेगार असून, पोलिसांनी आरोपीचा शोध सुरू केला आहे.वाचाः प्रत्यक्षदर्क्षींनी दिलेल्या माहितीनुसार, सिंहगड रस्ता गोऱ्हे बुद्रुक येथील माळवाडी गावात सायंकाळी स्थानिक महिला आपल्या घरासमोर बसली होती. व तिचे लहान मुले बाहेर खेळत होती. त्याचवेळेस रस्त्यावरुन दुचाकीवरून काही तरुण वेगाने गाडीने पळवत ये-जा करत होते. महिलेने मुलं खेळत असल्याने दुचाकीस्वारांना हळू गाडी चालवण्याची विनंती केली. त्याचा राग मनात धरुन त्या तरुणांनी महिलेला शिविगाळ करत मारहाण केली. त्यानंतर पुन्हा काही वेळाने हातात तलवार व कोयते घेऊन ते तरुण इतरांना सोबत घेऊन आले व अर्वाच्य भाषेत शिवीगाळ करु लागले.वाचाः या घटनेचा व्हिडिओ परिसरात व्हायरल झाला असून संबंधित तरुण हे सराईत गुन्हेगार असल्याची माहिती स्थानिक नागरिकांनी दिली आहे. दरम्यान गावातील एका दुकानदाराकडून फुकट सिगारेट घेण्यासाठी या सराईतांनी त्याला धमकावल्याचीही महिती मिळाली आहे. गांजाची नशा करुन हे सराईत सातत्याने गावात दहशत निर्माण करण्याचा प्रयत्न करत असतात अशी माहिती एका संतप्त नागरिकाने नाव न छापण्याच्या अटीवर दिली आहे.वाचाः
