पुणे : शहरात गेल्या दोन आठवड्यांपासून सकाळी थंडी, दुपारी उकाडा, तर रात्री पुन्हा थंडी असे वातावरण असल्याने याचा त्रास लहान मुलांना होत आहे. या वातावरणामुळे सध्या लहान मुलांमध्ये ‘फ्लू’चे प्रमाण वाढले असून, सर्दी, ताप, खोकला, जुलाब, उलट्या होणे या प्रकारचा त्रास मुलांना होत आहे. परिणामी गेल्या पंधरा दिवसांमध्ये शहरातील खासगी आणि सरकारी रुग्णालयांच्या बालरोग विभागातील ‘ओपोडी’मध्ये १५ ते २० टक्के वाढ झाल्याचे बालरोगतज्ज्ञांनी सांगितले.थंडीच्या वातावरणात विषाणूचा प्रसार जास्त होत असल्याने याकाळात लहान मुलांना संसर्ग होण्याचे प्रमाण अधिक असते; तसेच सध्या लहान मुलांना ‘रोटा’ व्हायरसचाही त्रास होत आहे. वातावरणाच्या बदल्यामुळे मुलांच्या पचनशक्तीवर परिणाम होतो. त्यामुळे जुलाब आणि उलट्यांचा त्रास होतो. यामुळे पालकांनादेखील काय करावे, हे अनेकदा कळत नाही. अशा वेळी ग्लुकोज, सोडियम पोटॅशियम, क्लोराइड आणि सायट्रेट यांचे मिश्रण असलेली पावडर मुलांना द्यावी. विषाणूजन्य आजारामध्ये मुलांना सुरुवातील उलट्या होतात. त्यानंतर ताप येतो आणि २४ तासांत जुलाब होतात. हिवाळ्याच्या दिवसात श्वसनाचे आजारदेखील वाढत असतात. त्यामुळे या काळात लहान मुलांची अधिक काळजी घेण्याची आवश्यक असल्याचे बालरोगतज्ज्ञांनी सांगितले.काय काळजी घ्यावी?- मुलांना जास्त थंडीच्या ठिकाणी नेणे टाळावे- आजारी व्यक्तींचा सहवास टाळावा- खोकताना तोंड व नाक झाकून घ्यावे- हात स्वच्छ धुवावेत- संतुलित आहाराचे सेवन करावेगेल्या काही दिवसांमध्ये वातावरणात झालेल्या बदलांमुळे लहान मुलांमध्ये ‘फ्लू’चे प्रमाण वाढले आहे. त्याचबरोबर रोटा व्हायरसचाही मुलांना होत आहे. उलट्या होणे, जुलाब, श्वास घेण्सास त्रास अशा प्रकारचा त्रास मुलांना होत आहे. हिवाळ्याच्या दिवसांमध्ये ‘व्हायरल इन्फेशन’चे प्रमाण जास्त असल्याने पालकांनी मुलांची काळजी घ्यावी.- डॉ. प्रदीप सूर्यवंशी, नवजात व बालरोग विभागप्रमुख, सह्याद्री हॉस्पिटल, नगर रस्ताराज्यात नोव्हेंबरमध्ये गोवराचे रुग्ण आढळून येण्यास सुरूवात झाली होती. शहरातदेखील नोव्हेंबर आणि डिसेंबरमध्ये गोवराचे रुग्ण आढळून आले होते. परंतु, मुलांना गोवर रुबेला लस देण्यात येत असून, गेल्या आठ दिवसांत गोवराचे नवीन रुग्ण आढळून आलेले नाही.- डॉ. सूर्यकांत देवकर, सहायक आरोग्य अधिकारी, महापालिकाया वयोगटातील मुलांना अधिक त्राससध्या बदलेल्या वातावरणाचा त्रास हा दोन ते आठ वर्षे वयोगटातील मुलांना होत आहे. त्यामुळे या वयोगटातील मुलांची विशेष काळजी घ्यावी; तसेच मुलांना ताप, सर्दी, खोकला किंवा उलट्या होणे या प्रकारचा त्रास झाल्याल घरगुती उपायांपेक्षा डॉक्टरांच्या सल्ल्याने उपचार घ्यावेत, असे बालरोगतज्ज्ञांनी सांगितले.
