नवी दिल्ली: कर्मचारी भविष्य निर्वाह निधी संघटनेचे (ईपीएफओ) कोट्यवधी पेन्शनधारक आता सहज ऑनलाईन EPF पासबुक तपासू शकणार. तांत्रिक बिघाडामुळे ईपीएफओची ऑनलाइन पासबुक सुविधा जानेवारी २०२३ च्या सुरुवातीपासून बंद करण्यात आली होती, जी आता सुरू करण्यात आली आहे. जाणून घ्या काय आहे ईपीएफओशी संबंधित अपडेट...ई-पासबुक सेवा पुन्हा सुरुवापरकर्त्यांकडून करण्यात आलेल्या तक्रारीनंतर ईपीएफओने बुधवारी ई-पासबुक सुविधा पुन्हा सुरू झाली आहे आणि आता चांगले काम करत असल्याचे सांगितले. ट्विटर वापरकर्त्यांना प्रत्युत्तर देताना, ईपीएफओने मायक्रोब्लॉगिंग साइटवर पासबुक सेवेबद्दल तक्रारी केल्यानंतर स्पष्टीकरण दिले. वेळोवेळी सॉफ्टवेअर अपग्रेडबाबतही प्रश्न उपस्थित करण्यात आले होते. गेल्या वर्षी ऑक्टोबर २०२२ मध्ये सॉफ्टवेअर अपग्रेड केल्यामुळे ईपीएफ व्याज क्रेडिट करण्यात विलंब होत असल्याचे वित्त मंत्रालयाने म्हटले. ईपीएफओचे ग्राहक ऑनलाईन त्याच्या खात्यातील शिल्लक तपासू शकतात. ई-पासबुकपेन्शन मंदाचे खर्चासह प्रत्येक महिन्यासाठी ग्राहक आणि कंपनीच्या योगदानाच्या नोंद केली जाते. तसेच ई-पासबुकमध्ये लाभार्थीच्या खात्यात जमा केलेल्या व्याजांचाही समावेश असतो.ऑफलाईन सुविधाईपीएफओने पेन्शनधारकांसाठी 'Ease of Living' ची सुविधा सुनिश्चित करण्यात आल्याचे सोशल मीडिया प्लॅटफॉर्मवर माहिती दिली आहे. ईपीएफओने एक प्रमुख सेवा जाहीर केली, ज्याद्वारे पेन्शनधारक घरबसल्या सेवांचा लाभ घेऊ शकतात. विशेषत: पेन्शनधारकांसाठी ही नवीन सेवा सुरू करण्यात येणार आहे. ईपीएफओच्या वेबसाइटवर शिल्लक कशी तपासायची
- ईपीएफओची अधिकृत वेबसाइट - epfindia.gov.in ला भेट द्या आणि लॉग इन करा
- ‘Our Services’ टॅबवर जा आणि “कर्मचार्‍यांसाठी” असा पर्याय निवडा.
- ‘सेवा’ पर्यायाखालील ‘सदस्य पासबुक’ पर्यायावर क्लिक करा.
- ईपीएफचे पासबुक पेज — passbook.epfindia.gov.in — ओपन होईल. वापरकर्त्याने युजरनेम (UAN क्रमांक) आणि पासवर्ड टाकावा.
- लॉग इन केल्यावर संबंधित रोजगारावरील तपशील निवडा. उदाहरणार्थ, चार वेगवेगळ्या संस्थांमध्ये काम केलेल्या व्यक्तीकडे निवडण्यासाठी चार भिन्न सदस्य आयडी असतील.
- सदस्य आयडी निवडल्यानंतर, ईपीएफ पासबुक तुम्हाला दिसेल. पासबुक ईपीएफ खात्यातील चालू शिल्लक दाखवते.
