नवी दिल्ली: आंतरराष्ट्रीय बाजारात कच्च्या तेलाच्या दरात तेजी-मंदीचे सत्र सुरूच आहे. आज पुन्हा जागतिक पातळीवर क्रूडच्या दरात घट झाल्याचे दिसून येत आहे. गेल्या २४ तासात ब्रेंट क्रूड ८५ डॉलर प्रति बॅरलच्या खाली घसरले असून या दरम्यान शुक्रवारी सकाळी सरकारी तेल कंपन्यांनी देशभरात पेट्रोल आणि डिझेलचे नवीन दर जाहीर केले आहेत. इंडियन ऑइल, हिंदुस्थान पेट्रोलियम आणि भारत पेट्रोलियम सारख्या सरकारी तेल विपणन कंपन्या (OMCs) दररोज सकाळी ६ वाजता भारतात पेट्रोलच्या किमतीत सुधारित करतात.कच्च्या तेलाचा भाव घटलामागील २४ तासात कच्च्या तेलाच्या किमती देखील नरमल्या असल्याचे दिसत आहे. ब्रेंट क्रूडची किंमत प्रति बॅरल $८४.२९ पर्यंत घसरली तर WTI चा भाव जवळपास एक डॉलरने वाढून $७७.७६ प्रति बॅरलवर पोहोचला आहे.भारतात पेट्रोल आणि डिझेलचे दरदेशभरात पेट्रोल आणि डिझेलच्या किमतीत झालेले कोणतेही बदल सकाळी ६ वाजल्यापासून लागू केले जातात. दरम्यान, गेल्या आठ महिन्यांपासून भारतात इंधन दरात कोणताही बदल झालेला नाही म्हणजे पेट्रोल आणि डिझेलचे दर जुन्याच किमतींवर स्थिर आहेत. गेल्या वर्षी २२ मे रोजी अर्थमंत्री निर्मला सीतारामन यांनी पेट्रोलवरील उत्पादन शुल्कात अनुक्रमे ८ रुपये प्रति लिटर आणि डिझेल ६ रुपये प्रति लिटरने कपात केली तेव्हा पेट्रोल आणि डिझेलच्या किंमतींमध्ये अखेरचा बदल करण्यात आला होता.तर अलीकडेच केंद्रीय तेल मंत्री हरदीप सिंग पुरी यांनी ओएमसीला येत्या काही दिवसांत आंतरराष्ट्रीय क्रूडच्या किमती कमी झाल्यास आणि त्यांचा तोटा कमी झाल्यास इंधनाच्या किमती कमी करण्याचा विचार करण्याची विनंती केली आहे. पेट्रोल आणि डिझेलची कमी किंमतीत विक्री केल्यामुळे OMCs चे २१ हजार २०० कोटी रुपयांचे नुकसान झाल्याचे समोर आले आहे.मुंबई आणि राज्यातील शहरांतील पेट्रोल-डिझेलचे दरमुंबई : पेट्रोल १०६.३१ रुपये, डिझेल ९४.२७ रुपये प्रति लिटरनागपूर : पेट्रोल १०६.०४ रुपये प्रति लिटर, डिझेल ९२.५९ रुपये प्रति लिटरपुणे : पेट्रोल १०५.८४ रुपये प्रति लिटर, डिझेल ९२.३६ रुपये प्रति लिटरकोल्हापूर : पेट्रोल १०६.४७ रुपये प्रति लिटर, डिझेल ९३.०१ रुपये प्रति लिटरऔरंगाबाद : पेट्रोल १०८ रुपये, डिझेल ९५.९६ रुपये प्रति लिटरपरभणी : १०९.४५ रुपये प्रति लिटर, डिझेल ९५.८१ रुपये प्रति लिटरनाशिक : पेट्रोल १०६.७७ रुपये प्रति लिटर, डिझेल ९३.२७ रुपये प्रति लिटर
