म. टा. विशेष प्रतिनिधी, मुंबई : मुंबईतील वाहतूक चौक (ट्रॅफिक जंक्शन) सर्व प्रकारच्या वापरकर्त्यांसाठी सुरक्षित असावेत, यासाठी महापालिकेने ब्लूमबर्ग फिलॅन्थ्रॉपीज इनिशिएटिव्ह फॉर ग्लोबल रोड सेफ्टी (बीआयजीआरएस) या जागतिक उपक्रमाच्या सहकार्याने नवीन प्रकल्प हाती घेतला आहे. या माध्यमातून मुंबईतील सर्वाधिक अपघातप्रवण (ब्लॅक स्पॉट) अशा २० वाहतूक चौकांचा नवीन आराखडा तयार करून ते सुरक्षित करण्यात येणार आहेत.वाहतूक चौक सुरक्षित बनवताना, विशेषत: ज्यांना रस्तेअपघातांचा अधिक धोका असलेले वाहतूक चौक पादचारी, सायकलस्वार आणि दुचाकीस्वार यांच्यासाठी अधिक सुरक्षित करण्याच्या दृष्टीने पालिकेला ‘बीआयजीआरएस’ या भागीदाराकडून तांत्रिक सहाय्य लाभणार आहे. या भागीदारांमध्ये ग्लोबल डिझायनिंग सिटीज् इनिशिएटिव्ह (जीडीसीआय) आणि वर्ल्ड रिसोर्सेस इन्स्टिट्यूट (डब्ल्यूआरआय) यांचा समावेश आहे. याविषयीची प्रादेशिक बैठक पालिकेचे उपआयुक्त (पायाभूत सुविधा) उल्हास महाले, प्रमुख अभियंता (रस्ते व वाहतूक) मनीषकुमार पटेल यांच्या उपस्थितीत झाली. बैठकीनंतर तज्ज्ञ, परदेशातून आलेल्या मान्यवरांनी मुंबईतील पाच जंक्शन्सला प्रत्यक्ष भेट देऊन पाहणी केली. पालिकेने ब्लॅक स्पॉट ठिकाणी केलेल्या विविध उपाययोजनांची माहिती घेतली.वर्ल्ड रिसोर्सेस इन्स्टिट्यूट इंडियाचे एकात्मिक परिवहन उपक्रम प्रमुख धवल अशर यांनी महत्त्वाची माहिती दिली. रस्ते सुरक्षित होताना पादचारी आणि वाहनांमधील संघर्ष घटतात. वाहतूक अधिक प्रवाही व सुरळीतपणे सुरू राहते. त्याचा भाग म्हणून अमर महलसह एकूण १२ वाहतूक चौकांच्या नवीन आराखड्यावर वर्ल्ड रिसोर्सेस इन्स्टिट्यूट इंडिया पालिकेसोबत काम करत असल्याचे त्यांनी सांगितले.ब्लूमबर्ग फिलॅन्थ्रॉपीज इनिशिएटिव्ह फॉर ग्लोबल रोड सेफ्टीचे अभिमन्यू प्रकाश यांनी, अपघातप्रवण क्षेत्रांमध्ये सुधारणेसाठी सर्व शक्यतांवर आम्ही पुनर्विचार करत असल्याचे सांगितले. त्यासाठी जागतिक रस्ते आराखडा मार्गदर्शक तत्त्वांचा आधार घेत जात असून ही मार्गदर्शक तत्त्वे अधिकृतपणे मुंबईने स्वीकारलेली व मुंबईसाठी असतील. त्यामध्ये, पादचाऱ्यांना ओलांडण्यासाठी मार्गिका व पदपथ रुंदीकरण, वाहनांचा वेग मर्यादीत रहावा म्हणून गतिरोधक व पट्ट्या असतील. निवडक ठिकाणी रस्ते संरेखन व रुंदीकरण केले जाईल. त्याचा फायदा म्हणजे रहदारीचा प्रवाह सुरळीत होवून रस्ते अधिक सुरक्षित होतील. या सुधारणांसोबत, मुंबईतील रस्ते अपघात कमी करण्यासाठी पालिका अभियंते व वाहतूक पोलिसांना प्रशिक्षण दिले जाईल, असे सांगितले.२० अपघातप्रवण (२०१९-२०२१) ठिकाणेअमर महल जंक्शन, टिळक नगर, घाटकोपरपूर्व द्रुतगती महामार्ग आणि जोगेश्वरी- विक्रोळी जोड रस्त्याचा छेदभाग (इंटरसेक्शन), कांजूरमार्ग पूर्वपश्चिम द्रुतगती महामार्ग आणि शीव (सायन) वांद्रे जोडरस्त्याचा छेदभाग (इंटरसेक्शन) (कलानगर चौक), वांद्रे पूर्वपश्चिम द्रुतगती महामार्ग आणि जवाहरलाल नेहरू मार्गाचा छेदभाग, सांताक्रूझ पूर्वघाटकोपर-अंधेरी जोडरस्ता आणि पूर्व द्रुतगती महामार्ग, घाटकोपर पूर्व यांचा छेदभागप्रियदर्शिनी वाहतूक चौक, शीव-चेंबूरपश्चिम द्रुतगती महामार्ग आणि जोगेश्वरी विक्रोळी जोडरस्ता छेदभाग, जोगेश्वरी पूर्वपूर्व मुक्त मार्ग आणि घाटकोपर- मानखुर्द जोडरस्ता छेदभाग, गोवंडी पश्चिमशीव वाहतूक चौक, शीव पश्चिमपश्चिम द्रुतगती महामार्ग आणि आकुर्ली मार्गाचा छेदभाग, कांदिवली पूर्वपश्चिम द्रुतगती महामार्ग आणि गोरेगाव मुलुंड जोडरस्ता, गोरेगाव पूर्वचा छेदभागकिंग सर्कल वाहतूक चौक, माटुंगा पूर्वपश्चिम द्रुतगती महामार्ग आणि ना. सी. फडके मार्ग, अंधेरी पूर्वचा छेदभागसांताक्रुज चेंबूर जोडरस्ता आणि लालबहादूर शास्त्री मार्ग, कुर्ला पश्चिमचा छेदभागशीव-पनवेल महामार्ग आणि घाटकोपर-मानखुर्द जोडरस्ता, मानखुर्दचा छेदभागछेडा नगर वाहतूक चौक, घाटकोपर पूर्वसंजय गांधी राष्ट्रीय उद्यान, बोरिवली पूर्वसाकीनाका वाहतूक चौक, अंधेरी पूर्वपश्चिम द्रुतगती महामार्ग आणि स्वामी विवेकानंद मार्ग, दहिसर पूर्वचा छेदभागघाटकोपर-अंधेरी जोडरस्ता आणि लालबहादूर शास्त्री मार्गाचा छेदभाग
