बंगळुरू: आयपीएल 2023 मध्ये रिंकू सिंग वेगळ्याच फॉर्मात आहे. मैदानात जाऊन शानदार शॉट्स मारत चेंडू बाऊंड्री लाईनबाहेर मारणं, एवढंच जणू त्याला माहित असल्यासारखं तो खेळतो. त्याने गुजरात टायटन्सविरुद्धच्या सामन्यात शेवटच्या ५ चेंडूत ५ षटकार मारून कोलकाता नाईट रायडर्सला विजय मिळवून दिला. यानंतर त्याने हैदराबाद आणि नंतर चेन्नई सुपर किंग्जविरुद्धही अर्धशतक केले. मात्र दोन्ही सामन्यात संघाचा पराभव झाला. मात्र रिंकू आपल्या खेळीमुळे कायम चर्चेत राहिला. आता त्याने रॉयल चॅलेंजर्स बंगळुरूविरुद्ध मोहम्मद सिराजची चांगलीच धुलाई केली. सिराज उत्कृष्ट फॉर्ममध्ये आहे पण रिंकूने त्याला आपल्यासमोर टिकू दिले नाही. रॉयल चॅलेंजर्स बंगळुरूसाठी मोहम्मद सिराज १९वे षटक टाकत होता. शेवटच्या षटकात रिंकू सिंग क्रीझवर आला. त्याने फक्त दोन चेंडूंचा सामना केला. सिराजने पहिला चेंडू विकेटवर टाकला आणि रिंकू सिंगने थेट षटकार ठोकला. सिराजपासून विराट कोहलीपर्यंत या शॉटवर कोणाचाही विश्वास बसत नव्हता. आय शॉटनंतर कोहलीने आपली रणनिती बदलली.हा शॉट पाहून विराट कोहलीने ऑफ साईडला मैदान सेट केले. ऑफ स्टंपच्या बाहेर यॉर्कर लेंथवर चेंडू टाकण्याचे सिराज आणि विराटचे नियोजन होते. सिराजने तेच केले पण रिंकू त्यासाठी सुद्धा तयारीत होता. त्याने बॅटचे तोंड उघडले आणि चौकार मारला. तिसऱ्या चेंडूवर विराट कोहलीने क्षेत्ररक्षकाला डीप पॉईंटवर उभे केले. त्यानंतर सिराजने ऑफ स्टंपबाहेर गोलंदाजी केली. पण रिंकूने तो चेंडू क्षेत्ररक्षकाच्या डावीकडे चौकार मारला.विराट पण चकितरिंकू सिंगची अशी फलंदाजी पाहून विराट कोहली असहाय्य दिसू लागला. तिसऱ्या चेंडूवर चौकार मारल्यानंतर विराटच्या चेहऱ्यावर पण चकित झालेलं हसू आलं. मात्र, यानंतर रिंकूने डॉट बॉल खेळला आणि त्यानंतर सिंगलने दुसऱ्या टोकाला आला. या सामन्यात कोलकाता नाईट रायडर्सने प्रथम खेळून २०० धावा केल्या आहेत. अखेरच्या दोन षटकांत संघाने ३० धावा केल्या. डेव्हिड विज आणि रिंकू सिंग यांनी हर्षल पटेलविरुद्ध शेवटच्या षटकात १५ धावा केल्या.
