आज होणार मॅनकाइंड फार्माच्या शेअर्सचे वाटप; स्टॉक घेणं फायद्याचं की तोट्याचं? चेक करा डिटेल्स

https://ift.tt/shEP3gM

मुंबई : कंडोम आणि प्रेग्नेंसी किट बनवणाऱ्या मॅनकाइंड फार्माचा आयपीओ शेवटच्या दिवशी ओव्हरसबस्क्राइब करण्यात यशस्वी ठरला. आयपीओला पात्र संस्थात्मक खरेदीदारांचा (QIB) चांगला प्रतिसाद मिळाला. मात्र, किरकोळ गुंतवणूकदारांचा हिस्सा पूर्णपणे भराला नाही. आता शेअर्सचे वाटप आज म्हणजे ३ मे रोजी होणार असून, ज्यांना शेअर्स मिळणार नाहीत, त्यांचे पैसे ४ मे रोजी परत केले जातील. तर ज्यांना शेअर्स मिळतील त्यांच्या डिमॅट खात्यावर ५ मे रोजी शेअर्स पाठवले जातील. तसेच पुढील आठवड्यात ८ मे रोजी शेअर्सचे लिस्टींग म्हणजेच शेअर्सची शेअर बाजारात नोंदणी होणार असून ग्रे मार्केटमधून आलेल्या संकेतांनुसार लिस्टींगवेळी शेअर्स ८% हून अधिक फायदा देऊ शकतात. ग्रे मार्केटमध्ये मॅनकाइंड फार्माचा शेअर्स ९२ रुपयांच्या जीएमपी (GMP -ग्रे मार्केट प्रीमियम) वर व्यवहार करत आहेत. आयपीओमध्ये प्रति शेअर किंमत १०२६ ते १०८० रुपये ठेवण्यात आली होती. सध्याच्या GMP नुसार, शेअर्स एनएसई-बीएसई (NSE-BSE) वर ११७२ रुपयांच्या किंमतीला सूचीबद्ध केले जाऊ शकतात असा अंदाज आहे. मात्र, बाजारातील तज्ज्ञांच्या मते, ग्रे मार्केटमधून मिळणाऱ्या सिग्नलपेक्षा कंपनीचे मूलभूत आणि आर्थिक महत्त्व आहे. बीएसईच्या वेबसाइटवर शेअर्स वाटपाची स्थिती कशी पाहायची

• https://ift.tt/U9x2lAG या थेट लिंकद्वारे तुम्ही BSE वर वाटपाची स्थिती तपासू शकता.
• ड्रॉप डाउन मेनूमधून इश्यू प्रकार आणि इश्यू नाव मॅनकाइंड फार्मामधील इक्विटी निवडा.
• अर्ज क्रमांक किंवा पॅन प्रविष्ट करा.
• 'I am not a Robot' वर क्लिक करून सर्च टॅबवर क्लिक करा.
• शेअर्सच्या वाटपाची स्थिती स्क्रीनवर दिसेल.

रजिस्ट्रारच्या साइटवरून स्थिती कशी तपासायची

• https://ift.tt/NebwjYB, या लिंकद्वारे रजिस्ट्रारच्या साइटला भेट द्या.
• येथे Link-1, Link-2, Link-3, Link-4 आणि Link-5 यापैकी कोणत्याही एका वर क्लिक करा.
• IPO निवडण्याचा पर्याय असेल. येथे मॅनकाइंड फार्मा निवडा.
• यानंतर तीन पर्याय दिसतील - अर्ज क्रमांक, डीमॅट खाते आणि पॅन. यापैकी एक पर्याय निवडा.
• अर्ज क्रमांक निवडला असेल तर अर्ज क्रमांक भरा आणि जर पॅन निवडला असेल तर पॅन भरला जाईल. डिमॅट खाते निवडले असल्यास, NSDL/CDSL मधून तुमच्या सिक्युरिटी डिपॉझिटरीजपैकी एक निवडा आणि DPID आणि Client ID भरा.
• कॅप्चा भरून सबमिट करा.
• तुमच्या अर्जाची स्थिती दिसेल. म्हणजेच तुम्ही किती शेअर्ससाठी अर्ज केला होता आणि किती वाटप केले आहे याचा संपूर्ण तपशील स्क्रीनवर दिसेल.

प्रतिसाद कसा मिळालामॅनकाइंड फार्माचा ४३२६ कोटींचा आयपीओ २५ ते २७ एप्रिल दरम्यान सबस्क्रिप्शनसाठी खुला होता. हा आयपीओ फक्त आॅफर फॉर सेल होता. किरकोळ गुंतवणूकदारांसाठी राखीव भाग फक्त ०.९२ पट आणि बिगर संस्थात्मक गुंतवणूकदारांसाठी ३.८० पट भरला मात्र, पात्र संस्थात्मक खरेदीदारांचा भाग ४९.१६ पट भरला. या आधारावर आयपीओ एकूण १५.३२ पट सबस्क्राइब झाला. मॅनकाइंड फार्माबद्दलमॅनकाइंड फार्मा रमेश जुनेजा यांनी सुरू केली होती. ख्रिस कॅपिटल आणि कॅपिटल इंटरनॅशनल सारख्या खाजगी इक्विटी कंपन्यांनी यामध्ये गुंतवणूक केली आहे. कंपनीचे लक्ष देशांतर्गत बाजारावर आहे आणि आर्थिक वर्ष २०२२ च्या निकालांनुसार येथून ९७.६०% महसूल मिळाला. कंपनीचे जवळपास ३६ ब्रँड आहेत. ते मॅनफोर्स कंडोम, गर्भधारणा चाचणी किट प्रीगा न्यूज आणि आणीबाणी गर्भनिरोधक ब्रँड अनवॉन्टेड-७२ या ब्रँड नावाखाली उत्पादने विकते. मॅनकाइंड फार्मा अँटासिड पावडर (गॅस-ओ-फास्ट), व्हिटॅमिन आणि मिनरल सप्लिमेंट्स (हेल्थ ओके ब्रँड) आणि अँटी-एक्ने तयारी (ऍक्नेस्टार ब्रँड) यासारखी आरोग्यसेवा उत्पादने बनवते आणि विकते.