मुंबई : खलिस्तानी समर्थकांच्या हत्येमुळे सुरू झालेल्या भारत आणि कॅनडा यांच्यातील राजकीय तणाव अजूनही दोन्ही देशात चर्चेचा विषय बनला आहे. या दोन्ही देशातील तणावाचा परिणाम भारतीय शेअर बाजारावरही दिसून येत आहे, परंतु विशेष म्हणजे यामुळे बाजारात कॅनडाच्या गुंतवणुकीवर कोणताही परिणाम झालेला नाही. आत्तापर्यंत सप्टेंबर महिन्यात विदेशी गुंतवणूकदारांनी भारतीय बाजारातून मोठ्या प्रमाणावर पैसे काढले असले तरी कॅनडातून बाहेर पडण्याची चिन्हे दिसत नाहीत. म्हणजे कॅनडा इच्छा असूनही भारतीय बाजारपेठ सोडायला तयार नाही आणि यामागे अनेक कारणे आहेत.कॅनडा संबंधित विक्रीची चिन्हे नाहीतस्टॉक एक्सचेंजकडे उपलब्ध ब्लॉक डीलच्या आकडेवारीने आतापर्यंत कॅनडा-संबंधित विक्रीचे कोणतेही मोठे संकेत दिलेले नाहीत. कॅनडाशी वाढत्या तणावामुळे परकीय गुंतवणूकदारांनी सप्टेंबर महिन्यात भारतातून १२ आजार कोटी रुपये काढले असून बाजार तज्ञांनुसार कॅनेडियन आऊटफ्लोची कोणतीही स्पष्ट चिन्हे नाहीत. त्यांनी म्हटले की अलीकडे बाजारातून गुंतवणूक मागे घेणे हे यूएस फेडच्या कठोर टिप्पण्यांचा परिणाम असून भारतीय बाजार इक्विटी आणि स्थिर उत्पन्न मालमत्तेवर जे आकर्षक उत्पन्न देते. त्यामुळे कॅनडाही येथून आपली गुंतवणूक काढून घेऊ इच्छित नाही.गेल्या दीड आठवड्यापासून देशांतगर्त बाजारातही कॅनडा आणि भारताचा मुद्दा पूर्णपणे तापला. बिझनेस टुडेशी बोलताना स्वतंत्र बाजार विश्लेषक अजय बोडके म्हणाले की, कॅनेडियन पेन्शन फंड भारतीय बाजारपेठेत मोठी गुंतवणूक करतो, पण 'बाप बडा ना भैया, सबसे बडा रुपैया...' असं म्हटलं तर चुकीचं नाही. त्यांनी म्हटले की गुंतवणुकीत सर्वात महत्त्वाची गोष्ट म्हणजे परतावा (रिटर्न्स) जे त्यांना भारतीय बाजारातून मिळत आहे.कॅनडा फंडची शेअर्समध्ये गुंतवणूकभारत आणि कॅनडामधील एकूण वार्षिक द्विपक्षीय व्यापार अंदाजे ८ अब्ज डॉलर असून कॅनडाचे दोन सार्वभौम फंड - CPPIB आणि CDPQ यांचे डझनभर देशांतर्गत शेअर्समध्ये हिस्सा आहेत. डिपॉझिटरी NSDL नुसार मूळ देश कॅनडा येथे ८१८ नोंदणीकृत FPI होते. ऑगस्टच्या अखेरीस कॅनडातील परदेशी गुंतवणूकदारांनी १,५०,८७१ कोटी रुपयांची गुंतवणूक केली होती.दुसरीकडे, सप्टेंबरमध्ये विदेशी गुंतवणूकदारांनी एकूण १२ हजार ७१६ कोटी रुपये काढून घेतले, तर ऑगस्टमध्ये हा आकडा १२ हजार २६२ कोटी रुपये होता. दरम्यान, भारतीय उद्योग क्षेत्राने शेअरहोल्डिंग पॅटर्न उघड करताच, कॅनडाच्या गुंतवणुकीतून बाहेर पडण्याशी संबंधित संपूर्ण चित्रही स्पष्ट होईल.
