मुंबई : रिलायन्स इंडस्ट्रीज लिमिटेडची (RIL) उपकंपनी जिओ फायनान्शियल संदर्भात एक मोठे अपडेट आले आहे. रिलायन्स इंडस्ट्रीजपासून डीमर्ज झालेली आणि गेल्या महिन्या देशांतर्गत शेअर बाजारात सूचिबद्ध झालेली जिओ फायनान्शिअल सर्व्हिसेस आज म्हणजेच १ सप्टेंबर २०२३ पासून सर्व S&P बीएसई निर्देशांकांमधून डिलिस्ट केली जाणार आहे.जिओ फायनान्शिअलचे शेअर्स आजपासून सर्व BSE निर्देशांकांतून बाहेर होतील. तथापि स्टॉक अद्याप NSE निर्देशांकाच्या बाहेर जाणार नाही. एनएसई निर्देशांकातून वगळण्यासाठी स्टॉकला तीन पैकी दोन ट्रेडिंग सत्रांमध्ये सर्किटशिवाय व्यवहार करणे गरजेचे असून सोमवारपासून म्हणजे ४ सप्टेंबरपासून शेअर T टू T मधून बाहेर पडेल. नवीन निर्देशांक पद्धतीनुसार JFSL ला तात्पुरते प्रमुख निर्देशांकांमध्ये जोडण्यात आले जेणेकरून डिमर्जरच्या परिणामी विकत घेतलेल्या शेअर्समध्ये निष्क्रिय इंडेक्स फंड व्यवहार करू शकतील. JSFL च्या विलगीकरणामुळे रिलायन्स इंडस्ट्रीजच्या शेअर्समधील अस्थिरता स्थिर करण्यासाठी ही तात्पुरती भर घातली गेली.काय आहे कारणगेल्या दोन दिवसांपासून जिओ फायनान्शिअल सर्व्हिसेसचे शेअर्सला लोअर सर्किट लागले नसल्यामुळे मार्केट निर्देशांकातून काढून टाकण्याची प्रक्रिया पूर्ण करू शकते आणि ती आज पूर्ण होईल. स्टॉक लिस्ट झाल्यापासून (२१ ऑगस्ट) फंड्सच्या सततच्या विक्रीमुळे JSFL शेअर्स दबावाखाली होते. फंडांना बेंचमार्क निफ्टी ५० आणि सेन्सेक्समधून बाहेर पडण्यापूर्वी JFSL मध्ये त्यांचा पोर्टफोलिओ समायोजित करावा लागला आणि त्यामुळे त्यांना जिओ फायनान्समध्ये विक्री करावी लागली, जामुळे शेअर्समध्ये सतत लोअर सर्किट लागले.रिलायन्स इंडस्ट्रीजच्या AGM मध्ये घोषणा२१ ऑगस्ट रोजी जिओ फायनान्शिअलच्या सूचिबद्ध होण्यापूर्वीच या नॉन-बँकिंग फायनान्स कंपनीच्या शेअरची किंमत २६१.८५ रुपयांवर स्थिर होती. कंपनीच्या शेअर्सच्या लिस्टिंगबाबत गुंतवणूकदारांमध्ये मोठा उत्साह होता पण २१ ऑगस्टला लिस्टिंगच्या दिवशी शेअर्सची जवळपास फ्लॅट लिस्ट झाली. तथापि २८ ऑगस्ट रोजी रिलायन्स इंडस्ट्रीजच्या AGM मध्ये रिलायन्स इंडस्ट्रीजचे अध्यक्ष मुकेश अंबानी म्हणाले की जिओ फायनान्शियल सर्व्हिसेस लवकरच आरोग्य, सामान्य आणि जीवन विमा व्यवसायात प्रवेश करेल. अंबानींच्या या घोषणेचा परिणाम शेअर्सवर झाला आणि सतत अप्पर सर्किटला धडकले.
