https://ift.tt/lrIwyKR
मुंबई : महाराष्ट्राच्या सत्तासंघर्षाच्या प्रकरणातील आणखी एक टप्पा आता विधानसभा अध्यक्षांच्या निकालानंतर पार होणार आहे. महाराष्ट्रातील सत्तासंघर्षाला खऱ्या अर्थानं दीड वर्षापूर्वी म्हणजेच जून २०२२ मध्ये सुरुवात झाली. यांच्यासह शिवसेनेतील काही आमदार सूरतला निघून गेले. त्याच्यानंतर ते आमदार गुवाहाटीला पोहोचले. या दरम्यान यांच्या नेतृत्त्वातील शिवसेना पक्षाचे व्हीप असलेल्या सुनील प्रभू यांनी आमदारांची बैठक बोलावली. या बैठकीला उपस्थित राहण्यासाठी व्हीप जारी करण्यात आला होता. त्या व्हीपचं पालन न केल्यामुळं शिवसेनेकडून १६ आमदारांच्या निलंबनाच्या याचिका तत्कालीन विधानसभा अध्यक्ष म्हणून काम पाहणारे नरहरी झिरवाळ यांच्याकडे सादर केल्या. सर्वोच्च न्यायालयाच्या मे २०२३ मधील निकालानंतर ही जबाबदारी विधानसभा अध्यक्ष यांच्यावर आली. सुप्रीम कोर्टानं राहुल नार्वेकर यांना रिजनेबल टाइममध्ये आमदार अपात्रतेचा निर्णय घेण्यास सांगितलं होतं. त्यानंतरच्या न्यायालयीन संघर्षानंतर आता अखेर आमदार अपात्रता प्रकरणाचा निकाल जाहीर होणार आहे.
राहुल नार्वेकर यांच्या निर्णयाकडे लक्ष
सुप्रीम कोर्टानं महाराष्ट्रातील सत्तासंघर्षाच्या प्रकरणावर निकाल देताना आमदार अपात्रतेचा अधिकार अध्यक्षांचा आहे म्हणत त्यांच्यावर ती जबाबदारी सोपवली होती. सुप्रीम कोर्टानं त्यासाठी काही मार्गदर्शक सूचना देखील जारी केल्या होत्या. मे २०२३ मधील निकालानंतर आमदार अपात्रता प्रकरणाचा निर्णय घेण्याचे अधिकार राहुल नार्वेकर यांना मिळाले होते. विधानसभा अध्यक्षांच्या आमदार अपात्रता प्रकरणातील कार्यवाहावीर सर्वोच्च न्यायालयानं देखील नाराजी व्यक्त केली होती. अखेर न्यायालयातील लढाईनंतर सुप्रीम कोर्टानं राहुल नार्वेकर यांना शिवसेनेच्या १६ आमदारांच्या निलंबनाचा निर्णय ३१ डिसेंबरपूर्वी घेण्यात यावा, अशा सूचना दिल्या. राहुल नार्वेकर यांनी निकालाचं लेखन करण्यासाठी म्हणून वेळ वाढवून १० जानेवारी घेतला. आता त्या प्रमाणं राहुल नार्वेकर आमदार अपात्रता प्रकरणात काय निर्णय देतात याकडे संपूर्ण देशाचं लक्ष लागलं आहे.
अपात्रतेची टांगती तलवार असणाऱ्या आमदारांची नावे:
१. एकनाथ शिंदे२ .अब्दुल सत्तार३. संदीपान भुमरे४. संजय शिरसाट५. तानाजी सावंत६. यामिनी जाधव७. चिमणराव पाटील८.भरत गोगावले९.लता सोनवणे१०. प्रकाश सुर्वे११. बालाजी किणीकर१२. अनिल बाबर१३. महेश शिंदे१४. संजय रायमूलकर१५. रमेश बोरणारे१६. बालाजी कल्याणकर
